ATÜNNAK 22:4 - Cho Bible Common Language 2016

⁴ A hnüüp thum hnüüp cun ah hmun cu Abraham naw dan ne hmuk ci.

ATÜNNAK 22:4 Referans Kwoze

1 KORIN 15:4

Cacim ung om ciah mäih ah ami k’phuh a mawng, ak hnüüp thum hnüüp sih nak ungka a thawh ba ah mawng;

LUKA 13:32

Bawipa Jesuh naw, “Kei cu tuhngawi la ngawi yung khoshe gui k’täm ne, ak gaw gui ka gai sak gui khai. Ak hnüüp thum ung ka bi cu ka pyi khai nei cine kyak ci, ciah sa ui-am m’thein ba vä.

MATTHE 17:23

Ani cu ngawn khai gui, cun ung phi ak hnüüp thum hnüüp ung sih nak ungka tho law ba khai,” cine m’thein gui ci. Ang düihpüi gui cu ang htei ah cäi ng’ä ci gui.

HOSEA 6:2

A hnüüp goi thum ung ani naw na dou ba sak gui khai. Ani ah ma ah mikmi cu ghing ne mi om khai.

ESTA 5:1

Ei a hlawi nak ah a hnüüp thum hnüp ung Esther naw mangnu ah suinu sui neta, mang im ah akyong täng chagä ung hteit ne mang kyang ah kyong täng ah mang ne ng’düi ci. Ghangpughang cu kyong ah valuh nak täng ah mang ne mang kyang ung ngok ci.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

1 SAMUEL 26:13

Cun kawn David naw khaw nawi ah nong ga, khaw m’htung ah kai ne, a phyawn nak vai ng’shong ci ung om neta,

JOSHUA 1:11

phung pigaw cu phlän ne hteh sak gui neta, chang gui a pyen nak gui cu, “Ei vai m’hnüt ne nami pawg ge vai, a i ah kyasei ci ung hnüüp thum ah kyong ung, nangmi naw Jordan tuinu kat ne, Bawipa nami Khanpughi naw a ning pek gui ah khaw cu nami khäm khai.

KHEI NAK 31:19

Tuhbäi nangmi nami van chang ngawn ci phung, gook tawn ci phung cu hnüüp chih ung shaum pigaw ah pung ah nami om vai. A hnüüp thum hnüüp la a hnüüp chih hnüüp ung nami mät la nami pha gui ah hnumi gui cu nami ng’gängsei sak gui vai.

KHEI NAK 19:19

A hnüüp thum la a hnüp chih hnüüp theingthap ciah chang cu a cun ah tui awn ak peh vai. A hnüüp chih ung ani naw chang cu ng’gängsei sak ci. Cun ah chang cu a suisak m’si pyi ne, tui awn ng’shawi pyi ci kya ne, khohni a hang kyak ung theingthap ciah kyak ci.

KHEI NAK 19:12

Ani naw a hnüp thum hnüüp ung la a hnüüp chih hnüüp ung amät naw amät ng’gängsei nak abi vai. A hnüüp chih hnüüp ung ani cu theingthap khai. Cun ung phi a hnüüp thum hnüüp la a hnüp chih hnüüp ung amät naw ng’gängsei nak kä abi ah a kyak ung ani cu kä theingthap khai.

KHEI NAK 10:33

Chang gui naw khomhtung theing Sinai ami hteh tak awn ah hnüüp thum ung hteit ci gui. Bawipa ah Thumkhän M’küm cu ma ne hteit ne shaum pigaw ami cawh nak vai ah hmun cu hmuk ci gui.

TAIGÜTHUM 7:17

A hnüüp thum güt pawih ciah asa cu mei ung m’khih vai.

PHYAWN NAK 19:15

Moses naw ngami am, “Cituh hnüüp ah hmawk ah nami pawng ge vai, cun ah a kyong ung kä nami ng’yaw pawm en vai” cine pyen na gui ci.

PHYAWN NAK 19:11

cituh hnüüp cu ami pawng ge vai nei. Cun ah hnüüp ung Sinai m’htung ah kei ka lawk khai. Acu ah chang avan naw na hmuk khai gui.

PHYAWN NAK 15:22

Moses naw Israel chang gui cu Tuisen Tuinu ungka naw Shura bung ah khah püi gui ci. Ngami cu bung hmu ah hnüüp thum hteit u ne phi tui kä hmuk ci gui.

PHYAWN NAK 5:3

Moses la Aaron naw, “Hebru gui ah Khanpughi naw keimi ung amät cu m’than lawk ci. Khaw hnüüp thum na m’hlawt gui ä, keimi bungpuk ah hteit ne Bawipa kami Khanpughi cu khawihnah nak kami pek khai nei. Cun ah kä kami bi ung ani naw, gawpyam nak la ng’tuk nak awn na ngawn gui khai nei” cik ci goi.

ATÜNNAK 22:3

A ngawi ung khawngawi hta ah Abraham cu, m’khih nak vai sing pawngpüi ne, ng’se pawng püi neta, Isaak la changshäm hnih khü ne, Khanpughi naw a pyen ah khaw ah hteit ci gui.

ATÜNNAK 22:5

Abraham naw changshäm goi am, “Nangni shin ung ng’se mah ah ana om niä, keini Isaak hteit ni ne, khawihnah nak bi ni neta, kani law ba khai” cine pyen ci.