ATÜNNAK 22:2 - Cho Bible Common Language 2016

² Ang htei ah na m’hni ah na hta tumat bäng Isaak cu Moriah khaw ah hteh püi ne na hteh vai. A cun ah ka ning m’shüm ah khomhtung ah, Isaak cu mei awn m’khih ne khawihnah nak na bi vai.

ATÜNNAK 22:2 Referans Kwoze

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

HEBRU 11:17

Khanpughi naw Abraham ah yum nak am nüm nak ung, Abraham naw a hta Issak küikyan nak ah a ap cu yum nak ah kyak ci. Abraham cu Khanpughi naw a shaitaak püi ah chang tumat ah a kyak ung phi, tumat bäng ah a htapa cu ap ge khai ah pawng ci.

ATÜNNAK 22:16

“Ka mät ah ming awn thukhän ka bik ci — Bawipa naw pyen ci — na htapa ah kä ng’vang ne, na na pek ah phäh ah aküikyang ah hriham ka ning pek khai.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

2 GHANGPUGHANG GUI 3:27

Cun ah kyasei ani naw a hnün ung ngo ba khai ah a hta ang vai pi cu la ne mang gaw k’paang khan ah taih neta, Moab Khanpughi cu khawihnah ci. Israel gui cu, kyikyawk u neta, mang gaw ungka ng’hlat ba u ne, ami khaw ah hteit ba ci gui.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

2 SHONTÄP NAK 3:1

David Ghangpughang, Solomon ah apa naw Taigüim cawh nak vai ah hmun cu a pyan pyi ah kyak ci. Cun cu Jerusalem, Moriah Khomhtung ah David ah ma ah Bawipa ang dang cu Jebusit chang Araunah ah htang m’häi nak khlaang ah kyak ci. Ghangpughang Solomon naw cawh kyan nak cu

SUKI GUI 11:39

Cha goi a lung kawn ah ani cu apa ah law ba ci. Ani naw Bawipa ung a shaitak ah mäih ah bi sei, hnumi hta cu lami ne sik ci. Shin cu Israel gui ah thungzo a phung ah kyak ci,

SUKI GUI 11:31

Kei na hmuk khai ah ka im ah law htük bäih ciah chang cu m’khih ne douthak nak ah ka ning pek khai nei. Kei näng nak awn ka law ba ah a kyak ung, kei naw cun ah chang cu khawihnah nak ah ka ning douthak khai nei” cik ci.

ATÜNNAK 21:12

Cun ung phi Khanpughi naw Abraham am, “Hakarah la a hmaw ah phäh ah kä na ng’ä vai, Sarah ah pyen ah mäih ah na bi vai, a i ah kyasei ci ung Isaak awn vah na ng’shon vai ah kei naw ng’thu ka m’khän ah kyak ci.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

MIKHAH 6:7

Htome phya khak la kä ng’pyi hlawt ciah olive situi ka law püi ung Bawipa cu yei khai aw? Ka cheishoh ka thung nak vai ah ka hta htük cu ka pek khai ma?

ATÜNNAK 8:20

Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

ATÜNNAK 22:3

A ngawi ung khawngawi hta ah Abraham cu, m’khih nak vai sing pawngpüi ne, ng’se pawng püi neta, Isaak la changshäm hnih khü ne, Khanpughi naw a pyen ah khaw ah hteit ci gui.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

ATÜNNAK 21:3

Abraham naw Isaak ah a ming sui ci.