ATÜNNAK 22:17 - Cho Bible Common Language 2016

¹⁷ Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

ATÜNNAK 22:17 Referans Kwoze

ATÜNNAK 15:5

Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

THULÄÄN NAK 1:10

Bawipa nami Khanpughi naw khawmik ung aisi chü ah ning da sak gui ci nei.

ATÜNNAK 32:12

Nang naw shai na tak nak ung, a päng ung ka näng vai ah na m’htei ne, tuinu kem ah lai gin chü ah chang naw kä khei tai vai ah ka ng’shon khai ah na pyen pyi ci nei” ciah kyak ci.

1 KORIN 15:57

Cun ung phi mi Bawipa Jesuh Khrih ung, sih nak m’khütnäng nak na pe gui ciah Khanpughi cu kam hlüngtai aih ci nei.

JEREMIAH 32:22

Nang naw shin ah naming ne anglei nik ciak khaw cu pe gui ne ami pupa gui am shaitak nak na nik ci.

MIKHAH 1:9

Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”

1 GHANGPUGHANG GUI 9:26

Ghangpughang Solomon naw Edom khaw, Akaba tuikhep ah kem Elath ah pei, Ezionkeber ung htingpaw gui phi co ci.

THULÄÄN NAK 21:19

A nupa gui naw ani cu a om nak ah gawnu ung ang vai gui ah ma ah hteh püi u ne yung ung ami ng’düih sak vai.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

ATÜNNAK 17:6

Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ROMAN 4:13

Khanpughi naw Abraham la a hta ng’shon am, khomdek khan a van cu na khäm khai cine shaitaak nak pek ci. Cun ah shai a taak cu, Abraham naw thukhän a läk ah hmawk ah kä kyak ci, Khanpughi a yum nak awn ani cu, Khanpughi naw chang düng ah k’bäi ne a dou ah hmawk ah kyak ci.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

HEBRU 6:14

Khanpughi naw, “Kei ah ka shaitaak cu, ka ning m’shumphuk khai, pyiing ne ka ning ng’shon sak khai,” cik ci.

HEBRU 11:12

Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.

ATÜNNAK 25:11

Abraham a sih kawn ah Khanpughi naw Isaak cu hriham pek ci. Ani cu “Ghing ne kei na hmuk ciah tuishawk” ah pei ah om ci.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

THULÄÄN NAK 13:17

Dishum khai ah m’kat pyi cu nami mät naw kä nami pan en vai. Cun ung Bawipa naw amlung so nak ungka ning hlah ta gui ne, chimgein nak ning m’dang gui khai. Ani naw nangmi ning chimgein gui khai, nami pupa gui ung a shaitak ah mäih ah chang khli ah ning pyang gui khai.

1 SHONTÄP NAK 27:23

David ghangpughang naw akhokum kum’ku ah ka ung chang gui cu kä khei gui ci, a i ah kyasei ci ung Israel chang gui cu khankho ah aisi chü ah da khai gui ah pyang gui khai ah Bawipa naw shaitak a bi pyi ah phäh ah kyak ci.

2 SHONTÄP NAK 1:9

O Bawipa Khanpughi, kapa ung shaitak na bi cu kümbe sak ä. Khei ne kä khei tai vai ah chang gui ah khan ah ghangpughang ah na na pyang ci.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

ATÜNNAK 32:13

A cun ung mü ät ami ih kawn ah Jakob naw a phäi Esau am a pek vai ah a vuh chah avan ungka,

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

THULÄÄN NAK 1:11

Bawipa nami pupa gui ah Khanpughi naw phia gha ah däm khai ah ning dämda sak gui sä. A shaitak ah mäih ah ning bühmang sak gui sä.

THULÄÄN NAK 13:18

Tuhngawi kei naw ka ning pek gui ah ang thumkhän avan nami läk ah a kyak ung ani ah ang yak hlü cu nami bik ciah kyak ci.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

HOSEA 2:1

Cun ah kya sei, Israel na paw gui cu “Khanpughi ah chang gui, Bawipa ah m’hni gui cine khü gui ä.