ATÜNNAK 22:16 - Cho Bible Common Language 2016

¹⁶ “Ka mät ah ming awn thukhän ka bik ci — Bawipa naw pyen ci — na htapa ah kä ng’vang ne, na na pek ah phäh ah aküikyang ah hriham ka ning pek khai.

ATÜNNAK 22:16 Referans Kwoze

LUKA 1:73

Mikmi cu ga ah kut ung nak phiawn gui ne, kä kyikyawk ne abi mi bi vai ah mipa Abraham ah ma ah shaitaak nak pe pyi ci.

SAM 105:9

Abraham aw yum nak ani bi la Issak am shai a taak cu k’pang khek khai.

JEREMIAH 51:14

M’gäi ciah Bawipa naw amät ah ghin nak awn ng’taam ci, ani naw Babilonia tuk khai ah chang akda cu khimpea ng’son ah mäih ah law püi khai, ngami cu näng nak awn m’lau khai gui.

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

ISAIAH 45:23

Kei ah ka shaitak cu akcang ah kyak ci, cun cu kä thawng hlai phung khai nei. Chang avan ung aktung ah shai ka tak ci nei: Chang päing law ne, kei ah ma ah m’khuk dong ne, kei ah ma ah bekhüt khai pyen ne shai tak khai gui nei.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

ATÜNNAK 22:2

Ang htei ah na m’hni ah na hta tumat bäng Isaak cu Moriah khaw ah hteh püi ne na hteh vai. A cun ah ka ning m’shüm ah khomhtung ah, Isaak cu mei awn m’khih ne khawihnah nak na bi vai.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

ATÜNNAK 22:15

Bawipa ah khankho chang, khankho ah ka naw, a hnih vei nak ah Abraham cu khü neta,

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 26:5

Abraham cu ka pyen ah om ne ka ng’thukhän shaitak läk ciah kyasei, nang cu hriham ka ning pek khai.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

PHYAWN NAK 17:16

Ani naw, “Bawipa ah Näng nak Alan cu ak hlüng ah kawt vä! Bawipa naw Amalekit gui cu ng’tuk püi gui lä khai nei” cik ci.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.

JEREMIAH 22:5

Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.