ATÜNNAK 22:1 - Cho Bible Common Language 2016

¹ Cun kawn ah Khanpughi naw Abraham cu am nüm vai ah, “Abraham” cine khü ci. Abraham naw, “Abraham naw, “äi, ka om ci nei” cik ci.

ATÜNNAK 22:1 Referans Kwoze

HEBRU 11:17

Khanpughi naw Abraham ah yum nak am nüm nak ung, Abraham naw a hta Issak küikyan nak ah a ap cu yum nak ah kyak ci. Abraham cu Khanpughi naw a shaitaak püi ah chang tumat ah a kyak ung phi, tumat bäng ah a htapa cu ap ge khai ah pawng ci.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

JAMES 2:21

Mi pughi Abraham naw Khanpughi ung düng nak cu a i hawkchaa ah ang a gah tu? Ani naw a htapa Isaak cu kiang ung taih ne a khawihnah nak ah, a hnünthawh nak awn ah kyak ci nei.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

PHYAWN NAK 3:4

Bawipa naw Moses ang et law cu hmu neta, Pluup ah ng’lung ah om ne khü ci, “Moses! Moses!” Moses naw, “äi, shi ah ka om ci nei” cik ci.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 22:7

Isaak naw, “Pa awi, nikni ung mei la sing om ci, cun ung phi khawihnah nak vai ah htawme cu a hawi ang, cine ng’shik ci. Abraham naw, “Ka hta awi, Khanpughi naw na pe gui khai nei” cik ci. Ngani cu k’täi ne hteit ci goi.

ISAIAH 6:8

Cun kawn ah Bawipa ah ng’thu ka ng’yak cu, “A u ang kei naw ka tüih kaw? Kei naw m’shang ne,” kei natüi ä! Ka hteit khai nei!

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

PHYAWN NAK 16:4

Bawipa naw Moses am, “Tuhbäi nami van ah hmawk ah khankho mik ungka, ei khaw ka aa law sak khai nei. Chang gui cu a cu ah a hnüüp tä hteit u ne, ami ng’büh nak vai ah ei cu lak khai gui. A cu cha ah ka m’cäi nak ami läk la kä cun cu ka hmuh vai ah kei naw ka m’nüm gui khai nei.

THULÄÄN NAK 13:3

a ni cu api ah phi kä nami cun ngaih en vai nei. Bawipa nami Khanpughi naw a ning m’nüm nak gui vai ah ani a mang ah kyak ci. Bawipa cu nam lung kyong avan awn nam hni la kä cun cuh a hmuh nak vai ah kyak ci.

SUKI GUI 2:22

Israel gui naw ami pupa gui ah mäih ah kei ah lam ami läk la kä ami läk hmat nak vai ah shin gui cu kei naw ka mang gui khai.

2 SAMUEL 24:1

Bawipa cu Israel gui ah khan ah m’lungshe ba mä ci, ani naw David cu, ami khan ah yaica nak abi vai ah bik ci. Bawipa naw ani am, “Hteit ne Israel gui la Judah chang gui cu khei gui ä” cik ci.

SAM 11:5

Ani naw akni la akshe cu m’nüm ci; Thukän m’shet cicu am lung avan awn gen ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

ATÜNNAK 21:11

Ishmaela cun phi a hta ah kya khäta Abraham cu ang htei ah yaica ci.

ATÜNNAK 37:13

Jakob naw Joseph am, “Na phäi gui naw htome ami shäm nak ah Shekhem ah na hteh tu vai ah ka ng’ya hlük ci nei” cik ci. Joseph naw, “Ä, ka hteit khai nei” cik ci.

ATÜNNAK 46:2

Khanpughi naw mü ah a muimang ung, “Jakob, Jakob” cine khü sei, Jakob naw, “äi, sha ka om ci nei” cik ci.

1 SAMUEL 3:4

Bawipa naw Samuel cu khü ci. “Ä, saza,” ci ne