ATÜNNAK 21:8 - Cho Bible Common Language 2016

⁸ A hmaw Isaak cu däm ng’vai law ne, suuk a chah hnüüp ung Abraham naw pawi aktung ah bik ci.

ATÜNNAK 21:8 Referans Kwoze

1 SAMUEL 1:22

Cun ung phi cun ung Hannah kä hteit tuk ci. Ani naw a cei am, “Ak hmaw tui tui kä a awk ba vai am, ani cu Bawipa ah im ah ka hteh püi khai, a ghin ah chuih a ca om khai,” cik ci.

HOSEA 1:8

Komer cu ahta hnumi tuui a chah kawn ah käumah ba ne pamihta ah hta ba ci.

SAM 131:2

Kei cu anu ah k’coi ung ng’pawm ciah ah hmaw hta ah mäih ah, ka yei ci, ka ding gei ci. Ka m’lung m’sin ah akyong ah ding gei ci.

1 GHANGPUGHANG GUI 3:15

Solomon cu ng’shüm law neta Khanpughi naw ang mang ung ng’htau püi ciah hmat ci. Cun kawn ah ani cu Jerusalem ah hteit ne, Bawipa ah Thukhän M’küm ah ma ah ng’düi neta, m’khih ne douthak nak la khawtsheng douthak nak cu Bawipa am douthak ci. Cun kawn ah ani naw a yungbawi gui avan cu tumbei gui ci.

2 SAMUEL 3:20

Abner cu akchang m’ku khah püi ne David ah om nak Hebron ah law khäta, David naw akbä ah khin na güi ci.

ATÜNNAK 40:20

A hnüüp thum hnüüp ung ghangpughang naw angtüi nak hnüüp ah pawi cu a bawi gui avan awn bi püi gui ci. Zu cuung bawi la ei tei bawi cu chah ba goi ne a bawi gui ah ma ah law püi sak gui ci.

ATÜNNAK 29:22

Cun ah kyasei Laban naw ng’pui ng’khah nak bi pe ne chang akda khü tuk ci.

ATÜNNAK 26:30

Cun kawn ah Isaak naw aktung ah khin na gui ne ei awk ci gui.

ATÜNNAK 19:3

Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

ESTA 1:3

A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

SUKI GUI 14:12

Samson naw ngami am, “Kei naw thuzi tumat ka ning shi gui khai. Nangmi naw hta m’um nak ei hnüüp chih kä law pha sei nami hmat hning ah a kyak ung, yih zung thumkip la htu zung thum kip ka ning pe gui khai, kä nami hmat hlawt ah a kyak ung yih zung thumkip la htu zung thumkip nami na pek vai” cik ci. Ngami naw, “Na thuzi cu, Na m’thein gui ä, kami ngai khai nei” cik ci gui.

SUKI GUI 14:10

Apa cu cun ah hnumi hta ah im ah hteit ci, cun kawn ah Samson naw mang-ei pawi bik ci. Cun cu chang nong gui naw ami bi ah thungzo ah kyak ci.

ATÜNNAK 21:7

“Sarah naw a hta am suuk tuu khai nei, cine Abraham ah ma ah a u naw ang a pyen? A ni a ghi law kawn ah ani ah phäh ah kei ka hta ci nei” cine pyen ci.

ATÜNNAK 21:9

Hnüüp ät ung Egypt hnumi Hakarah awn ani hta Ishmaela la Sarah awn ani hta Isaak cu ng’gen tuk ci goi.

1 SAMUEL 1:24

Ani naw tui tui kä a tu ba kawn ah Shilon ah hteh püi ci, kum thum lawk ciah seipat, m’htut den phawi gha la yu tui um ät phi hteh püi ci. Ani naw ak hmaw hta Samuel cu Shilon ah Bawipa ah im ung hteh püi ci.