ATÜNNAK 21:7 - Cho Bible Common Language 2016

⁷ “Sarah naw a hta am suuk tuu khai nei, cine Abraham ah ma ah a u naw ang a pyen? A ni a ghi law kawn ah ani ah phäh ah kei ka hta ci nei” cine pyen ci.

ATÜNNAK 21:7 Referans Kwoze

ISAIAH 66:8

Nangmi naw cun ah mäih cu nemi hmu man, nami ng’ya man ne ang? Chang pakhui tumat cu hnüüp ät bäng ung ng’tüi law man ne ang? Zion cu chang pakhui kä ang tüi pha ung ak sho kä yaica hnga khai nei.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

KHEI NAK 23:23

Ngami pluh sheh nak vai, cunkce a i kä om ci. Cun cu Israel pakhui ung hnungtuk ne mang ne kä gah nei. Tuhbäi chang gui naw Israel gui ah mawng cu ‘Khanpughi naw abi cu teng nei,’ cine pyen khai gui.

SAM 86:10

Nang cu m’gäi ne cäi aih vai gui na bik ci. Nang bäng cu Khanpughi ah na kyak ci nei.

SAM 86:8

O Bawipa, nang ah mäih ah Khanpughi a u kä om ci nei, nang ah bi ah mäih ah bik ci a u kä om ci nei.

ISAIAH 49:21

Cun ung na mät naw na mät na pyen khai, “Kei ah hmawk ah shin ah ah hmaw gui avan a u naw a hta nak gui ang? Kei ah hmaw gui si yawp pyi ci kya sei, kei ung ak hmaw kä om ba ci. Kei cu omk’tu khaw ah ami na k’täm nei. Shin ah ak hmaw gui a u naw a law püi ba gui ang? Kei ka mät bäng ami na nawng shüt nei. Shin ah a hmaw gui a hawi ka ang ami law ba?’ ”

ATÜNNAK 17:17

Abraham naw a hmai naw m’dek tawn khai ah kawp neta, amlung kyong ah gaih ne, a khawkum phia law pyi ciah chang cu hta ba hning khai aw? Khawkum 90 law pyi ciah Sarah cu hta hning khai aw?” cine amlung kyong ah ngaih-tüh neta;

ATÜNNAK 18:13

Bawipa naw Abraham am, “A i ah kyasei Sarah naw, kei ka ghi pyi ci, ka hta law kheng khai aw, cine a gaih ang?

ATÜNNAK 21:8

A hmaw Isaak cu däm ng’vai law ne, suuk a chah hnüüp ung Abraham naw pawi aktung ah bik ci.

JEREMIAH 20:15

“Shin ah pami hta! Nang ah htapa! Ci ne ng’thu law püi ne, kapa yei sak ciah khan ah taam nak om sä!

1 GHANGPUGHANG GUI 3:21

A ngawi ung khawngawi kei ng’shüm law ne, ka tuihta ka tu law vai ung, ak hmaw cu aksi ah kyasei ka hmuk ci. Kei naw m’htei ne teng neta ka hta ah kä kyak ciah ka hmu lawk ci.”

1 GHANGPUGHANG GUI 11:20

Ani cu pami hta ah hta ci, Kenubath ah aming sui ci gui, ani cu ghangpughangnu naw mang im ung om tu püi sei ghangpughang ah hta gui awn a täng ah om tuk ci.