ATÜNNAK 21:17 - Cho Bible Common Language 2016

¹⁷ Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.

ATÜNNAK 21:17 Referans Kwoze

ATÜNNAK 16:11

Nang cu pami ah na hta khai, aming cu Ishmaela ah na sui khai, a i ah kyasei ci ung Bawipa naw yaica ne na kyah cu ng’ya pyi ci nei.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

MAKUH 5:36

Bawipa Jesuh naw cun ah ami pyein law cu ng’ya netah, “Kä ng’ä ai yä, a yum bäng ah yum ä” cine pum im uk ciah ang vai-am kiak nak ci.

MATTHE 15:32

Bawi Jesuh naw ang düihpüi gui cu khü gui netah, “Shin ah chang gui kei awn a täng ah ami om tu cu hnüüp thum lüng lawk ci nei, Ngami ung ei vai kä om ci, kam gein gui ci nei. A i kä tumbei gui ung ami hteh ba ung lamah ami thagui maih khai nei,” cine kyak na gui ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

2 GHANGPUGHANG GUI 13:23

cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.

2 GHANGPUGHANG GUI 13:4

Cun kawn ah Jehoahaz cu Bawipa ah taigü ci, Siria ghangpughang naw Israel gui ak shedam nak gui aih cu Bawipa naw hmu neta ani ah taigü cu m’shang ci.

1 SAMUEL 11:5

Saul cu atuhbäi hta, a seipat awn a lai ah ka law neta, ang shi gui cu, “A i ang a hma, a i ah kyasei chang päng a kyah ang?” cik ci. Ngami naw Jebesh ah ka chang ami tüih law gui ah ng’thu pyen cu m’thein ci gui.

SUKI GUI 18:23

m’lau gui ci gui. Dan chang gui cu ng’hlat law u neta, Mikah cu ng’shik ci gui “A i ah ang a kiak” A i ah kyasei shin ah chang akhli ang?”

PHYAWN NAK 22:27

A i ah kyasei ci ung, ani ung oh sei ang khuih vai a cun bäng om ciah kyak ci. A i ng’khuih ne ani ip hlawt khai aw? Ani naw ka m’htei vai ah a kyah ah a kyak ung, kei naw ka m’shang khai, a i ah kyasei ci ung kei cu m’gein ciah ka kyak ci.

PHYAWN NAK 22:23

Nami shedam nak gui ung, Kei, Bawipa naw m’htei vai ah ami kyah cu ka m’shang gui khai.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

ATÜNNAK 46:3

Ani naw, “Kei Khanpughi, napa ah Khanpughi nei, Egypt khaw ah na hteh vai ah kä na kyih en vai nei. Cun ah khaw ah na hta ng’shon gui cu pakhui dämduh ah ka pyang khai nei.

ATÜNNAK 16:9

Khankho chang naw, “Na bawinu ah hteit ba ne a changshäm ah na kyak ba vai nei” cik ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

ATÜNNAK 16:7

Bawipa ah khankho chang naw, Hakarah cu Shura ah hteh nak lam tui pei ah hmu neta,

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

PHYAWN NAK 3:2

A cu ah Bawipa ah khanchang cu k’pluup ah ng’lung ah mei m’lei ah dang lawk ci. Moses naw k’pluup cu mei ah däi sei hmuk ci, cun ung phi kä ui ci.

THULÄÄN NAK 26:7

Cun ah kyasei mikmi Bawipa mi pupa gui ah Khanpughi naw a na m’htei gui vai ah kyap ne mi ng’yoi ci. Ani naw na ng’ya gui ci, mi yaica nak, mi khüikha nak, mi cümbang nak, na hmu gui ci.

SAM 6:8

Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

ATÜNNAK 16:8

“Sarai ah changshäm Hakarah, a hawi kaa na lawk ci, a hawi lam ah na hteit khai” cine ng’shik ci. Ani naw, “Kei cu ka bawinu ah im ungka ka dawng ci nei” cik ci.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.