ATÜNNAK 21:16 - Cho Bible Common Language 2016

¹⁶ likah vai hlawk ung hteit ne ngaw ne ngäng ci. Cun kawn ah amät ng’htau ne, “Ka hta a sih cu kä ka hmu hlük ci nei” ci neta, a ngawh nak ung kyap ne m’lau ci.

ATÜNNAK 21:16 Referans Kwoze

ISAIAH 49:15

Cun ah kyasei Bawipa naw m’shang gui ci, “Hnumi tumat naw amät ah hta hta cu m’hnih hning khai aw? A hta nak ah a hmaw cu kä m’hni ah om khai aw?

ESTA 8:6

Shin ah leibei cu kei ah chang gui ah klhan ah gawk law sei, ka mät ah mätyah gui ami ngawn gui ah a kyak ung, kei a i ah ka kyak khai ang?” cik ci.

1 GHANGPUGHANG GUI 3:26

Anu akcang, a hta akbe ah m’hni ciah hnumi naw, ghangpughang ah ma ah pyen ci,” na bä ni, ka bawi, ak hmaw cu kä ngawn ä! Cän ah hnumi am pen ä! cik ci. Cun ung phi a hei hnumi naw, “A u am phi kä na pen en goi vä, hnih ah m’chün vä” cik ci.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

1 SAMUEL 30:4

David la a chang gui cu kyap ne, ng’pyang u ne, ami tha gui amaih güt kä düm ah m’lau ci gui.

1 SAMUEL 24:16

David naw thu pyen yawp khäta, Saul naw “Ka hta, nang David akcang ma?” ci neta ani cu kyap ci.

RUT 1:9

Nang ni cei mah ba ni ne im lo khäng sei nani om vai ah Bawipa naw ning m’htei goi sä,” cine kya na goi ci. Cun kawn ah Naomi naw ng’ui goi ne ya vaih na goi ci. Cun ung phi ngani cu kyap ni neta,

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

ATÜNNAK 44:34

A hmaw kä hteh püi ba ne, a i cha ah kapa ah ka hteit ba khai aw? Kapa ah thüisei khükha vai cu kä ka hmu hlük ci nei” cik ci.

ATÜNNAK 29:11

Cun kawn ah Rachelah cu ng’ui neta yei aih ne kyap ci.

ATÜNNAK 27:38

Esau naw, “Kapa aw, hriham tumat phi kä om ba ne ma? Kei phi hriham na pe tuä, kapa aw” cine kyap ne ng’zoi ci.

ATÜNNAK 21:15

Ngani cu ani tui shaw ng’pyi sei, a hmaw cu k’pluup ka ah m’shän neta,

1 GHANGPUGHANG GUI 17:12

Ani naw m’shang ne, “Kei naw ghing ciah Bawipa, na Khanpughi ung khän ne ka pyen cu, kei ung m’htut kä om ci. Kei ung om ci avan cu k’am ung m’htut den a shum la situi um ung olive-situi api ah kyak ci. Kei shin ung im ah ka hteh püi vai sing ka lak ci, ka mät la ka hta ah phäh apihta ka pyang khai. Cun cu kei ni ah a hnu ah ei ah kyak ci, cun kawn ah cawi ne kani sik khai kyak ci,” cik ci.

JEREMIAH 6:26

Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.