ATÜNNAK 21:10 - Cho Bible Common Language 2016

¹⁰ Acun cu Sarah naw hmu neta, Abraham am, “Shin ah changshäm la a hta cu a hei ah na k’täm goi vai nei. Shin ah hnumi ah hta la kei ah hta naw a täng ah pakhui kä m’düng khai goi nei” cine pyen ci.

ATÜNNAK 21:10 Referans Kwoze

JOHAN 8:35

Chang shäm cu im kyong ung angtäi ah kä om tuk ci, cun ung phi htapa läi cu angtäi ah om ci.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

KALATIAN 4:7

Cun ah kyasei nangmi cu khlei htein ah kä kya ba ne, A hta ah nami kya pyi ci. A hta ah nami kya pyi ci kyisei, nangmi cu Khanpughi ah pakhui m’düng ciah A Htapa ah nami kyak ci.

KALATIAN 3:18

A vai sü ah Khanpughi ah m’shumphyuk nak cu thukhän ung düi ciah a kyak ung, cun cu shaitaak ung düi ciah kä kya ba khai. Cun ung phi Khanpughi naw a shaitaak awn Abraham cu, cun ah am shumphyuk ah kyak ci.

MATTHE 22:13

Cun kawn ah ghangpughang naw, ak changshäm gui-am, ‘Shin ah chang cu a kut kho pin ne khit netah, ak pung ah hmüp khui ah m’shän vä, a cu ah ani cu kyap ne m’lau ne, aha htui ne om sä’ cine kyak na gui ci,” cine pyein ci.

ATÜNNAK 25:19

Shin cu Abraham ah hta Isaak ah mawng ah kyak ci.

ATÜNNAK 25:6

Cun ung phi ani cu ghing yah ci kya neta, a hei ak chu gui awn ami hta gui am phi a khawh cu pe gui ci. Cun ah a hta gui cu Isaak awn ng’shawng ne om khai gui ah hni law lam ah tüi gui ci.

ATÜNNAK 22:10

Cun kawn ah a khim phawng ne ng’väi ne ngawn khai ah pawng ci.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

ATÜNNAK 17:21

Cun ung phi tuhbäi chü, Sarah naw a hta law nak vai ah na htapa Isaak am kei naw thukhän ka pek khai” cik ci.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

NG'THU K'THUUK~ 22:10

Chang omshe gui cu nami nawt heng vai, Cun kawn ah ng’cuh vah nak, ng’vokshan nak, ming m’shet nak gui kä om ba khai.

SUKI GUI 11:2

a hei ak chu awn ani htapa gui om ci, ngami ng’vai law u neta, Jephthah cu im ungka naw k’täm ci gui. Ngami naw ani am, “Nang cu pa ah pakhui kä na m’düung tuk khai; a hei hnumi ah ning hta ah na kyak ci” ci nak ci gui.