ATÜNNAK 20:7 - Cho Bible Common Language 2016

⁷ Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

ATÜNNAK 20:7 Referans Kwoze

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

1 SAMUEL 7:5

Cun kawn ah Samuel naw chang tüi ne Israel van Mizpah ung hmuh vai ah khü gui ci, ani naw, “Acu ah nangmi ah phäh ah Bawipa ah ka taigü khai.”

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

1 SHONTÄP NAK 16:22

Ka ghü ah ka changshäm gui cu kä nami nat sak gui vai, ka prophet gui cu kä nami tawn gui vai.”

2 GHANGPUGHANG GUI 5:11

Naaman cu anghtei ah m’lungshe neta, “Ani cu lut law ne, Bawipa a Khanpughi ah taigü ne, akhei nak ah khan ah a kut väng ne, kei na gai sak khai ah ka ngai ci nei!

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

1 KORIN 14:4

Kähmat ah ng’thu pyein ciah chang naw amät küikyan ci, Khanpughi ah ng’thu ng’shäu ne pyein ciah chang naw Khrithabum avan küikyan ci.

EZEKIEL 33:8

Chang shekha cu si lawk khai nei cine kei naw ka ng’shäu ah a kyak ung, cun ung phi ani a om ih am thawng vai ah nang naw ng’thu kä k’bäi ci sei, ani naw a hnun kä hun hning ne, akat nak awn a sih ah a kyak ung, ani ah sih nak cu kei naw nang am ka ning ma na sak khai.

EZEKIEL 3:18

Kei naw chang shekha cu sik khai cine ka ng’shäu ah a kyak ung, ani ah hnun gui a phiawn nak hning vai ah a hteh nak am thawng vai ah nang naw ng’thu kä na k’bäi ah a kyak ung, ani cu kak ciah chang ah kya ne sik khai, ani ah sih nak cu nang naw na ma nak vai kyak khai.

JEREMIAH 27:18

Ngami cu prophet akcang ah kya u ne, kei ah ng’thu cu ngami ung om ciah a kyak ung, Taigüim la bawi mang im ung om ba ciah m’küm khawhgui cu, Babilonia ah kä htet püi vai ah kei, m’gäu cuag Bawipa cu na ng’shi law u sä.”

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 14:11

Bawipa naw kei cu na pyen nak ci, “Shin ah chang gui m’htei htang gui vai ah kä na k’thäh en vai.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

1 GHANGPUGHANG GUI 13:6

Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

1 SAMUEL 7:8

Ngami naw Samuel am, “Mi Khanpughi Bawipa ah taigü ä, Philistin gui ung ka phyawn nak vai ah” cik ci gui.

TAIGÜTHUM 6:7

Taigüpa naw chang ah katnak ah phäh ah khawihnah nak a douthak vai, cun ung ani cu m’geinsei nak gah khai.

TAIGÜTHUM 6:4

chang tumat cu shin gui ungka, tumat mat a kat ah a kyak ung, ani naw kä düng nak awn a gah phung cu, a pek ba vai. Ani cheishoh ciah ang hmat hnüüp ung, kaa nak ciam avan a pek ba vai, cun kawn ah bum hma ung bum ät awn am khah vai.

PHYAWN NAK 18:17

Jethro naw, “Nang naw shin ah na bi cu kä hman ci.

PHYAWN NAK 7:1

Bawipa naw, “Nang cu ghangpughang ah ma ah Khanpughi ah mäih ah ka ning pyang khai, na phäi Aaron cu ani ah ma ah nang ah prophet ah mäih ah ng’thu khai.

PHYAWN NAK 4:16

Ani cu nang ah ng’thu k’phlan ciah kya ne, chang gui ah ma ah nang ah hmawk ah ng’thu pyen khai. Nang cu ani, a i cha ah ang thu vai ah m’thein ciah Khanpughi ah mäih ah na kyak khai.

ATÜNNAK 12:17

Ghangpughang naw Sarai a laak ah phäh ah, Bawipa naw ghangpughang la mang im kyong ah chang gui ah khan ah leigai yuk chah lawk ci.

ATÜNNAK 12:15

Bawi ng’vai gui naw phi hmu u neta, kyom aih ci, cine ghangpughang am m’thein u sei, ani naw mang im kyong ah la ne hteh püi ci.

ATÜNNAK 2:17

Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

LAMKTU 8:24

Simon naw Peter lah Johan am, “Tuhbäi na ni pyein gui cu kei ah khan ah kä a gawk law vai ah Khanpughi ah nak taigü pe nä” cine ng’yawi ci.

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

ATÜNNAK 20:8

A ngawi ung khawngawi hta Abimelek naw, a chang ng’vai gui khü gui ne, a mawng cu m’thein gui khäta, ang htei ah cäicat ci gui.

ATÜNNAK 23:6

“Saya aw ngai ä, nang cu angvai hta ah kami ning ngai ci nei; keimi ung om ciah ng’cim hmun akni pi ung nak chu cu m’cim ä. Ng’cim hmun kami ning pek ah phäh ah keimi kami van kami yei khai nei” cik ci gui.

2 SHONTÄP NAK 30:18

Ephraim, Manasseh, Issakha la Zebulun pakhui ungka chang akda cu theingthap nak kä bi ah phyawn nak pawi ung hteit tuk ci gui. Ngami cu phyawn nak pawi kä khin tuk ci gui. Cun ah kyasei Ghangpughang Hezekiah naw taigü pe gui ci: