ATÜNNAK 20:6 - Cho Bible Common Language 2016

⁶ Khanpughi naw ani ah ng’mang ung, “Düng nak awn na bi ah kei naw ka hmat ci nei, cun ah kyasei katnak kä na bi pha ung, shin ah hnumi awn kä nani ih pha ung, ka ning m’shüm thein ah kyak ci nei.

ATÜNNAK 20:6 Referans Kwoze

1 SAMUEL 25:34

Nang ka ning hnim nak vai ung ka, Bawipa naw na k’pang ci nei. Ghing ciah Israel Khanpughi ung aktung ah ka pyen cu nang naw ang ghit ah kä na na hmuh vai sü ung Nabala ah chang gui avan cu tuhngawi khaw ngawi si yawp khai sü gui te nei!” cik ci.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

ATÜNNAK 35:5

Jakob la a hta gui ami ng’düih law yah ung mang gaw pei ung om ciah chang gui naw Khanpughi kyih aih u neta, kä gawt k’täm ci gui.

ATÜNNAK 31:7

Ani naw kei cu na thei leh na ne, ka gah vai ah ng’cheng cu gha vei na m’thawng pek ci nei. Cun ung phi ani naw kä a na m’di vai ah Khanpughi naw bik ci nei.

2 THESSALONIAN 2:7

Ang thuh ah om ciah shetkat nak cu tuhbäi hnüntho pyi ci nei. Cun ung phi cun gui cu kutshum ci naw kä a chah pha ah chuih, a i phi kä kya law cang khai nei.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

PHYAWN NAK 34:24

Chang pakhui gui cu nami ma ung ka k’täm gui kawn ah nami khaw cu ka ng’shawng sak khai. Pawi thum vei bi nak ah akyong ung a u naw phi nami khaw cu kä ning näng gui khai.

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

ATÜNNAK 39:9

Shin ah im ung kei cu ka bawi ah mäih ah huham om ci. Nang ah kawn ah a i phi kä bi vai ah ana maa nak kä om ci nei. Kei naw shin ah mäih ah akshe kä ka bik khai, katnak cu ka hnungtuk püi khai nei” cik ci.

2 THESSALONIAN 2:11

Cun ah kyasei Khanpughi naw hmakat nak ah hlüngtai nak cu cun ah chang gui ah ng’lung ah bi bik khai ah tüi law sei, ngami naw akshekha cu akcang ah ngai ne yum ci gui.

1 KORIN 7:1

Tuhbäi ca nami guk law gui ah mawng cu m’hlan ne ka ning m’thein gui khai. Pami cu kä chumah ne a om ung nik ci.

TAIGÜTHUM 6:2

Chang tumat naw Bawipa hnungtuk püi ne katnak a bi ah a kyak ung, douthak nak abi vai. A Israel chang paw naw anawng tu shüt kä pe ba ci naw, ani ah khawh m’guk pek ci naw, m’hleeihlak ci naw,

ATÜNNAK 26:11

Abimelek naw chang gui am, “Shin ah ng’chungla goi shetkat nak ciah chang cu sih nak gah khai nei” cine pyen na gui ci.

ATÜNNAK 3:3

Cun ung phi Khanpughi naw, “Ang lung ung ghing ciah am theih cu kä nami ei vai, tawn ah phi kä nami tawn vai, nami ei ah a kyak ung nami sik khai cine pyen ci” cik ci.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

ATÜNNAK 31:24

A cun ah mü ung Khanpughi cu Laban ah ih mang ung law neta, “Na geing nak vai nei, Jakob cu a i ah kä na ci en vai nei” cine pyen nak ci.

NG'THU K'THUUK~ 6:29

Chang hei ah chu ih püi vai cu a cun ah mäih ah kyih vai ah kyak ci nei. Acun bik ci phung cu khüikha nak gah khai nei.