ATÜNNAK 20:5 - Cho Bible Common Language 2016

⁵ Abraham naw ani cu ka be nei cik ci, amät naw phi a cun ah pyen ci. Kei naw shin cu düng nak awn ka bi ah kyak ci nei, ka katnak a i kä om ci nei” cine pyen ci.

ATÜNNAK 20:5 Referans Kwoze

SAM 7:8

Nang cu hniciim chang avan ah suki ah na kyak ci. Kei täng ah m’choi cha ä, Bawipa; Kei ah düng cu nang naw hmat ci nei.

1 GHANGPUGHANG GUI 9:4

Nang cu napa David ah mäih ah düng ne bä ne, kei ah bii bi ne, kei ah ka thukhän gui la ka ng’thumkhän phung cu na läk ah a kyak ung,

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.

NG'THU K'THUUK~ 11:3

Nang cu na ni ung düng nak naw lam ning m’shüm khai. Kä ng’ap hning ciah chang gui cu ami mät ah kä ng’düng nak naw m’di gui khai.

SAM 78:72

David naw amät ah hmawk vai düt kä ngaih na ne, cüivai nak awn m’hteihtang gui ci.

SAM 73:13

Kei cu ka mät theing cim sak ne katnak kä ka bi phung ung phi a kholä ah kyak ci nei.

SAM 26:6

Bawipa, kei cu ka kut m’si ne, katnak kä a om ah mawng ka m’dang ci, mang kyang veing ne ka khawihnah ci nei.

SAM 25:21

Kani nak la ka düng nak naw kei cu na ngäng sä, a i ah kyasei ci ung kei cu nang ung ka ng’ap ci nei.

SAM 24:4

Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.

JOB 33:9

Kei ka katnak kä om ci, cheishoh nak a i kä ka bik ci. Kei changniah ka kyak ci, katnak kaphiawn nak ci.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

ATÜNNAK 12:13

Cun ah kyasei nang cu ka ning be ah na pyen vai. Cun ung nang ah hmai teng ne kei cu na k’phyawn ne, na m’hteihtang khai gui” cine pyen ci.

ATÜNNAK 20:13

Khanpughi naw kapa ah im ungka a khaw hei ah ana hteh sak yah ung, kei naw, “Nang naw kei ah khan ah na bekhüt nak na m’dang vai cu, kei cu na na phäi ah pyen ne chang gui am na m’thein tu vai nei” cine ka m’cäi ah kyak ci.

ATÜNNAK 20:16

Ani naw Sarah am, “Na phäi am ngui phia gha ka pek nei, cun cu nang awn nami om ciah chang avan changni ah nami kyak m’dang nak la chang nü naw katnak kä na bik ciah a hmat vai ah kyak ci” cine pyen nak ci.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.