ATÜNNAK 20:3 - Cho Bible Common Language 2016

³ Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

ATÜNNAK 20:3 Referans Kwoze

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

SAM 105:14

Cun ung phi Khanpughi naw a u am phi kä shedam na sak gui ci; Ani naw shungvong gui ci ghangpughang gui am’cäi gui cu:

JOB 33:15

Mü ah chang gui ami ih yah ung Khanpughi naw, ng’mang la muimang ung thu pyen ci.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

ATÜNNAK 28:12

Ani naw ang mang ung a hmuh cu, “M’dek ungka naw khankhaw ah gawk sei hlaak ng’dawn ci. A cun ung khankhaw chang gui kyum kai ci gui.

JONAH 3:4

Jonah cu mang gaw kyong ah lut ne hnüüp ät mü ne a hteh kawn ah, ani naw ng’thu shäu ci. A hnüüp phlikip ung Nineveh mang gaw cu dimaih khai nei!” cik ci.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

ATÜNNAK 37:9

Cun kawn ah Joseph cu a ng’mang she ba mä sei, a phäi gui ah ma ah shui ba mä ne, “Khawhni ni, cha ni, aisi gha lei ät ni naw kei cu na khawihnah ci gui” cine pyen ci.

ATÜNNAK 37:5

Hnü ät ung Joseph naw ang mang cu m’thein tu gui khäta, a phäi gui naw gen law pi ci gui.

ATÜNNAK 31:24

A cun ah mü ung Khanpughi cu Laban ah ih mang ung law neta, “Na geing nak vai nei, Jakob cu a i ah kä na ci en vai nei” cine pyen nak ci.

ATÜNNAK 12:17

Ghangpughang naw Sarai a laak ah phäh ah, Bawipa naw ghangpughang la mang im kyong ah chang gui ah khan ah leigai yuk chah lawk ci.

ATÜNNAK 12:18

Ghangpughang naw Abram cu khü neta, “Nang naw kei ah khan ah a i hawkcha ah na bi ang? Ani na chu ah a kyak ah mawng cu, a i ah kyasei kä na pyen ang?

KHEI NAK 22:9

Khanpughi naw Balaam ah law neta ang shin cu, “Nang awn a täng ah om ci gui cu a u gui ang?”

1 SHONTÄP NAK 16:21

Khanpughi naw a u am kä yawshe na sak gui ci; Ami shungvong gui vai ah ghangpughang gui m’cäi gui ci;

ATÜNNAK 40:5

Khomü ät ung yu cuung bawi la ei tei bawi cu ani ng’mang shek ci, cun cu a mawng a hei hei ah kyak ci.

ATÜNNAK 46:2

Khanpughi naw mü ah a muimang ung, “Jakob, Jakob” cine khü sei, Jakob naw, “äi, sha ka om ci nei” cik ci.

JOB 33:17

Ami katnak ami m’düm vai la chang ah ami ng’shei nak ungka hun gui vai ah Khanpughi naw ng’thu pyen ci.