ATÜNNAK 20:2 - Cho Bible Common Language 2016

² ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

ATÜNNAK 20:2 Referans Kwoze

ATÜNNAK 12:15

Bawi ng’vai gui naw phi hmu u neta, kyom aih ci, cine ghangpughang am m’thein u sei, ani naw mang im kyong ah la ne hteh püi ci.

ATÜNNAK 26:7

Rebekka cu ang htei ah kyom ci kyasei, chang gui naw Rebekka cu ng’ya hlü u neta, acei Isaak cu ami ngawn vai ah ng’ä ne, chang gui naw ami ng’shi ung Isaak ah chu ah kä pyen ne, abe ah a pyen vai ah m’cäi ci.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

NG'THU K'THUUK~ 24:16

Düng ciah chang cu a i chü vei a kyuk ung phi a i ah kä kyak ci. Angtäi sei tho ba ci, cun ung phi chang shekha cu leigai naw m’di ci.

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

ATÜNNAK 26:16

Abimelek naw Isaak am, “Nang cu keimi ah ta na hlüngtai law pi ci, kami khaw ung kä om tu ba ä” cine pyen nak ci.

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

ATÜNNAK 20:12

Ani cu akcang ah ka be ah kyak ci, ani cu ka pa ah hta hnumi ah kyak ci, ka nu ah hta tu ah kä kyak ci, cun ah kyasei ka chu nak nei.

2 SHONTÄP NAK 20:37

Cun ung phi Mareshah gawnu ah ka, Dodavahu ah hta Eliezer naw Jehoshaphat am ng’thu akbäi cu, “Nang naw Ahaziah awn khawtsheng nak na bi ah phäh ah, nang naw na cawh cu Bawipa naw m’di khai nei.” Cun ung htinpaw gui cu she sei, a hawi kä hteit hlawt ci gui.

ATÜNNAK 21:22

Cun sang ung Abimelek la a gakap bawi Phikol cu Abraham ah law ni neta, “Na bilawh nak päng ung Khanpughi naw ning om püi ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

NG'THU K'THUUK~ 6:29

Chang hei ah chu ih püi vai cu a cun ah mäih ah kyih vai ah kyak ci nei. Acun bik ci phung cu khüikha nak gah khai nei.