ATÜNNAK 20:17 - Cho Bible Common Language 2016

^17-18 Abraham ah chu Sarah ah phäh ah Abimelek ah mang im ung hnumi gui avan cu, Bawipa naw kä hta ba sak gui ci. Cun ah kyasei Abraham naw Abimelek ah phäh ah taigü khäta, Khanpughi naw Abimelek ni, akchu ni, a changshäm hnumi gui ni cu gai sak gui sei, ngami cu hta nau ba ci gui.

ATÜNNAK 20:17 Referans Kwoze

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

1 THESSALONIAN 5:25

Phäi nau gui aw, keimi ah hmawk ah phi nami taigü vai nei.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

MATTHE 7:7

‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

ISAIAH 45:11

Bawipa, theingcim ciah Israel khanpughi, malam ah mawngma pyang tham ci naw, a pyen cu; “Ka hta nau gui ah mawng, nami na shi thäh nak hning vai nangmi ung kä om ci, kei naw a i ka bi vai ah, nami na m’thein nak hning vai phi nang mi ung kä om ci!

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

EZRA 6:10

Acun ah nami bi vai, cun ung ngami naw Kkankhaw Khanpughi naw a dou thei vai ah khawihnah nak cu douthak khai gui. Kei la ka hta gui ah phäh ah ani ah phyuhtheh nak cu ng’yoi thäh khai gui.

ATÜNNAK 29:31

Leah cu acei naw kä a m’hni tu cu Bawipa naw hmat neta, a hta vai pek ci, Rachelah cu kä hta ci.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

LAMKTU 3:24

Samuel lah a hei prophet gui nawh tuk ngawi ng’dang lawk khai ah amawng gui cu, pyein shüt pyi ci gui nei.

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

KHEI NAK 12:13

Cun ah kyasei Moses naw Bawipa ah m’lau ne “O Khanpughi ani gai sak ä” cik ci.

KHEI NAK 21:7

Chang gui cu Moses ah law u neta, “Keimi cu Bawipa la nang ning hnungtuk püi ne, kami ng’thu nak awn kami hma ci nei. Tuhbäi shin ah phyu gui ak täm ba vai ah Bawipa ah nak taigü pa gui ä” cik ci gui. Cun ah kyasei Moses naw chang gui ah phäh ah taigü ci.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

ATÜNNAK 12:17

Ghangpughang naw Sarai a laak ah phäh ah, Bawipa naw ghangpughang la mang im kyong ah chang gui ah khan ah leigai yuk chah lawk ci.