ATÜNNAK 20:16 - Cho Bible Common Language 2016

¹⁶ Ani naw Sarah am, “Na phäi am ngui phia gha ka pek nei, cun cu nang awn nami om ciah chang avan changni ah nami kyak m’dang nak la chang nü naw katnak kä na bik ciah a hmat vai ah kyak ci” cine pyen nak ci.

ATÜNNAK 20:16 Referans Kwoze

NG'THU K'THUUK~ 27:5

Chang a i ah kä sui tu ah ang dang ah m’cäi m’ä tu cu bä pi ci.

ATÜNNAK 20:5

Abraham naw ani cu ka be nei cik ci, amät naw phi a cun ah pyen ci. Kei naw shin cu düng nak awn ka bi ah kyak ci nei, ka katnak a i kä om ci nei” cine pyen ci.

ATÜNNAK 24:65

Abraham ah chang cu, “Mikmi täng ah ana a vük ciah chang cu a u ang?” cine ng’shik ci. Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

NG'THU K'THUUK~ 12:1

Hmuhmat nak m’hni ciah chang naw a cheishoh ung m’cäi tu vai ng’ya hlük ci. Chang gu ang naw m’cäi ä thüinak ci.

ATÜNNAK 26:11

Abimelek naw chang gui am, “Shin ah ng’chungla goi shetkat nak ciah chang cu sih nak gah khai nei” cine pyen na gui ci.

ATÜNNAK 20:17

Abraham ah chu Sarah ah phäh ah Abimelek ah mang im ung hnumi gui avan cu, Bawipa naw kä hta ba sak gui ci. Cun ah kyasei Abraham naw Abimelek ah phäh ah taigü khäta, Khanpughi naw Abimelek ni, akchu ni, a changshäm hnumi gui ni cu gai sak gui sei, ngami cu hta nau ba ci gui.