ATÜNNAK 20:13 - Cho Bible Common Language 2016

¹³ Khanpughi naw kapa ah im ungka a khaw hei ah ana hteh sak yah ung, kei naw, “Nang naw kei ah khan ah na bekhüt nak na m’dang vai cu, kei cu na na phäi ah pyen ne chang gui am na m’thein tu vai nei” cine ka m’cäi ah kyak ci.

ATÜNNAK 20:13 Referans Kwoze

ATÜNNAK 12:1

Bawipa naw Abram cu khü neta, “Na khaw na chang gui la napa ah im cu nawng shüt ne, kei naw ka ning m’hnuh ah khaw ah na hteh vai nei.

ATÜNNAK 12:9

Ani cu ng’plon shüi shüi neta Kanaan khaw a htumtäng ah gawk ci.

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

SAM 64:5

Ak shekha pawng püi ne k’tha gui ng’pe tuk ci gui; a hawn ung cun vai cine ng’ge ci gui. “A u naw kä na hmu gui khai” cik ci gui.

1 SAMUEL 23:21

Saul naw, “Kei nami na m’hni aih ah phäh ah Bawipa naw hriham ning pe gui sä!

ATÜNNAK 20:5

Abraham naw ani cu ka be nei cik ci, amät naw phi a cun ah pyen ci. Kei naw shin cu düng nak awn ka bi ah kyak ci nei, ka katnak a i kä om ci nei” cine pyen ci.

ATÜNNAK 20:12

Ani cu akcang ah ka be ah kyak ci, ani cu ka pa ah hta hnumi ah kyak ci, ka nu ah hta tu ah kä kyak ci, cun ah kyasei ka chu nak nei.