ATÜNNAK 20:1 - Cho Bible Common Language 2016

¹ Abraham cu Mamre ungka naw Kanaan khaw a htumtäng Kadesh la Shurah ah ng’lak ung hteit ne om ci. Ani cu Kera gawnu ah a om tu yah ung,

ATÜNNAK 20:1 Referans Kwoze

ATÜNNAK 26:6

Cun ah kyasei Isaak cu Kerara gawnu ung om ci.

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

SAM 29:8

Ani ah k’aw naw bungpuk phi thüng sak ci; Ani naw Kadesh bungpuk phi thüng sak ci.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

1 SAMUEL 15:7

Saul naw Amalek gui cu hnim gui ci, Egypt khaw ak kyang täng, Havilah ungka naw Shura ung khüt sei avan ung ng’tuk ci gui;

THULÄÄN NAK 32:51

A i ah kyasei ci ung nangni nani nik hnih cu Israel chang gui ah om nak ung kei ung kä nani bekhüt ci. Nangni cu Zin bungpuk, Kadesh gawnu pei ah Meribah tuikem ung, chang gui ah ma ah nangi naw kei nani nak shekha nak ci.

THULÄÄN NAK 1:19

Bawipa mi Khanpughi naw an thumkhän gui cu mikmi naw mi bik ci. Mikmi naw Sinai M’htung hteh ta ne, dämduh ne kyih vai kyak ciah bungpuk kan ne Amorit khaw gui lam ung mi hteit ci. Mikmi Kadesh Barnea ung mi gawk law sang ung,

KHEI NAK 20:16

Keimi cu Bawipa naw ana m’htei gui vai ah kami ng’yawi ci. Ani naw kami kyah ng’ya neta, khanchang yuk tüi law sei acun naw Egypt khaw ungka, na luat püi ba gui ci. Keimi tuhbäi Kadesh ung kami om ci, cun cu nang ah khawpäng gawnu ah kyak ci.

KHEI NAK 13:26

Moses, Aaron la Israel chang gui ami van cu Paran bung Kadesh ung ana om ci gui. Ngami naw ami hmuh gui cu pyen law ba u ne, ami law püi ah sing theih cu m’hnuh tu gui ci gui.

ATÜNNAK 26:26

Abimelek naw a chang vai Ahuzzath la gabawi Phikolah cu khah püi ne Isaak ah lawk ci.

ATÜNNAK 26:20

Kerara gawnu ah ka htawme shäm gui naw, Isaak ah htawme shäm ci gui am, “Shin cu keimi ah tui nei” cine ng’cuh püi gui u khäta, Isaak naw cun ah tuishawk cu “Esek” ah aming sui ci.

ATÜNNAK 24:62

Isaak cu ‘Ghing ne kei na hmuk ciah tuishawk’ ming nak ciah bung hmu ah law ne, Kanaan khaw a htumtäng ah om ci.

ATÜNNAK 13:1

Abram la a chu ni, Lotah ni cu ami khawh cham avan hteh püi ne, Egypt khaw ah ka naw Kanaan khaw a htumtäng ah gawk ci gui.

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

ATÜNNAK 16:14

Cun ah kyasei Kadesh la Bered ah ng’lak ah om ciah tui shawk cu, “Ghing ne kei na hmuk ciah tui shawk” ciah sui ci gui.

ATÜNNAK 16:7

Bawipa ah khankho chang naw, Hakarah cu Shura ah hteh nak lam tui pei ah hmu neta,

ATÜNNAK 16:1

Abram ah chu Sarai cu kä hta ci. Ani ung Hakarah ming nak ciah Egypt chang hnumi hta a changshäm om ci.

ATÜNNAK 14:7

Cun kawn ah ng’hlat law ba u ne, Kadesh (Enmishphat ah phi ami pyen) ung gawk law ba u neta, Amalek chang gui ah khaw la Hazazon Tamar ung om ci gui ah Amorit chang gui cu tu ne khäm gui ci gui.

ATÜNNAK 12:9

Ani cu ng’plon shüi shüi neta Kanaan khaw a htumtäng ah gawk ci.

ATÜNNAK 25:18

Ishmaela ah htangshon gui cu Assiria khaw ah hteh nak lam Egypt khaw ah hni law täng Havilah la Shura gawnu goi ah ang lak ung om ci gui. Ngami cu Abraham ah a hei htangshon gui ah om nak vang lam ah om ci gui.

PHYAWN NAK 15:22

Moses naw Israel chang gui cu Tuisen Tuinu ungka naw Shura bung ah khah püi gui ci. Ngami cu bung hmu ah hnüüp thum hteit u ne phi tui kä hmuk ci gui.

ATÜNNAK 21:34

Abraham cu Philistia khaw ah akshou om tuk ci.