ATÜNNAK 2:9 - Cho Bible Common Language 2016

⁹ Cun ah dum ung kyom ne, ei hlü vai ah m’theih ciah sing ghing a hlü hlü ghing sak ci. Dum ah ang lung ung ghin nak ah sing ghing phi om ci, akni la akshe m’chaa nak ah sing ghing phi om ci.

ATÜNNAK 2:9 Referans Kwoze

ATÜNNAK 3:22

Bawipa Khanpughi naw, “Chang cu mikmi ungka tumat mat ah mäih ah kya pyi ci, akni la akshe phi hmu hmat pyi ci. Tuhbäi ung chang cu ghin nak ah sing ah theih bit ne ei ne angtäi ghing nak gah khai ah kä khin ba ci nei” ci neta,

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

THU PHLAAN 22:2

Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.

EZEKIEL 47:12

Tuilawng ah akem päng ung, ei vai ah kyak ciah sing ghing avan cu thou khai gui. Ami hnah gui cu kä ng’yai phung khai, kä ng’düm phung ne m’theih khai gui. Cun gui cu ak cha päng ung ak thieng ah m’theih khai gui, a i ah kyasei ci ung, cun gui cu Taigüim ung ka long lawk ciah tui awn shawi gui ah kyak ci. Cun ah sing gui naw ei vai pek kai gui, ami hnah gui cu chang gui ah gai nak vai ah mang vai ah kyak khai.”

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

NG'THU K'THUUK~ 3:18

Cüivai ciah chang gui cu yeikyai ci gui, cüivai nak naw ghin nak pe gui ci.

ATÜNNAK 3:3

Cun ung phi Khanpughi naw, “Ang lung ung ghing ciah am theih cu kä nami ei vai, tawn ah phi kä nami tawn vai, nami ei ah a kyak ung nami sik khai cine pyen ci” cik ci.

ATÜNNAK 2:17

Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

EZEKIEL 31:16

Kei naw cun cu sih nak ah khaw ah ka tüih law ung, a zu kyak nak ah k’aw naw changpakhui gui cu thüng sak khai. Eden ung sing ghing gui avan ah ka ah hteit ci gui cu, ngami m’dek ka ah ami kyak law ah phäh ah yeikyai khai gui nei.

JOHAN 6:48

Kei cu ghin nak m’htut ah ka kyak ci. Nami pughi pa gui cu,

EZEKIEL 31:18

“Sing ghing cu Egypt ghangpughang la a chang gui avan ah kyak ci. Eden ung sing ghing gui pang hngaw cun hlawk ah kä ng’ng’shäi ci gui, kä bä ci gui. Cun ung phi tuhbäi, ani cu Eden ung sing ghing gui ah mäih ah sih nak ah khaw ah zu kya ne, Khanpughi ka ah kyak ci gui la ng’tuk nak ung ami ngawn gui awn ng’dawn tuk khai gui. Kei ah thu pyen nei” cine uktu Bawipa naw pyen ci.

ISAIAH 47:10

“Nang cu akshe bi neta na bä ciah na ngai ci, a u naw kä ning hmuk ciah na ngai ci. Na cüivai nak la na lulang nak naw lam ning hma sak ci nei, Namät naw namät na pyen ci, ‘Kei cu khanpughi. Kei ah mäih a u kä om ci nei.’

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

THULÄÄN NAK 6:25

Mikmi naw Khanpughi ah a thumkhä nü nü cu bekhüt ne mi läk ah a kyak ung, ani cu mikmi awn yeikyai khai.

ATÜNNAK 3:24

Cun ah chang cu ak tääm kawn ah Eden dum ah hnilaw lam ah mei m’lei ah tawt ne ng’laam ciah khimsem la Cherubim gui cu m’düih ne, ghin nak ah sing ghing cu ngäng sak ci.

ATÜNNAK 3:5

Shin ah theih nami ei ah a kyak ung Khanpughi ah mäih ah nani kya tuk khai, akni akshe nani ng’thumcha thei khai, cun cu Khanpughi naw hmat neta a pyen ah kyak ci” cik ci.