ATÜNNAK 2:8 - Cho Bible Common Language 2016

⁸ Khanpughi naw hni law lam ah Eden ung khodum geitkaw neta a cun ung a tüi pyan ah chang cu om sak ci.

ATÜNNAK 2:8 Referans Kwoze

EZEKIEL 28:13

Nang cu Khanpughi ah dum Eden ung na om ci. Pyülung aming nü cu na awi ci: pyü lung, vailung, m’liulung, lelung, k’toulung, senlung, kyinglung, khing, lung gui cu na sui ci. Nang ah sui awi gui cu ghui ah kyak ci. Cun gui cu nang aning tüipian yah ge ung nang ah phäh ah a pyan ah kyak ci.

ATÜNNAK 3:24

Cun ah chang cu ak tääm kawn ah Eden dum ah hnilaw lam ah mei m’lei ah tawt ne ng’laam ciah khimsem la Cherubim gui cu m’düih ne, ghin nak ah sing ghing cu ngäng sak ci.

ATÜNNAK 13:10

Lotah naw dan shüi neta, Jordan khaw ng’nawi avan cu hmuk ci. Cun cu Zoar gawnu ah hteh nak lam, tui ah da nak, Bawipa ah chaam ah mäih, Egypt khaw ah mäih ah kyak ci. (Cun cu Bawipa naw, Sodom la Komorrah kä a m’di pha ung ah kyak ci.)

JOEL 2:3

Ngami naw a ghing gui cu mei ah mäih ah ei ci gui. Ami ma ah kho hmun cu Eden dum ah mäih ah kyak ci. Cun ung phi ami hnu lam cu khaw ng’gau ah kyak ci. A i phi ngami naw kä phyawn ci gui.

ISAIAH 51:3

“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.

2 GHANGPUGHANG GUI 19:12

Ka pupa gui naw Kazan, Haran la Rezeph mang gaw gui cu m’di ne, Telassar ung om ciah Betheden chang gui cu ngawn gui ci, a i ami khanpughi naw phi kä hun gui ci.

ATÜNNAK 4:16

Kain cu Khanpughi ah ma ungka dawng ne Eden dum ah hni law lam Nak ah khaw ah hteit ne om ci.

EZEKIEL 31:16

Kei naw cun cu sih nak ah khaw ah ka tüih law ung, a zu kyak nak ah k’aw naw changpakhui gui cu thüng sak khai. Eden ung sing ghing gui avan ah ka ah hteit ci gui cu, ngami m’dek ka ah ami kyak law ah phäh ah yeikyai khai gui nei.

EZEKIEL 31:18

“Sing ghing cu Egypt ghangpughang la a chang gui avan ah kyak ci. Eden ung sing ghing gui pang hngaw cun hlawk ah kä ng’ng’shäi ci gui, kä bä ci gui. Cun ung phi tuhbäi, ani cu Eden ung sing ghing gui ah mäih ah sih nak ah khaw ah zu kya ne, Khanpughi ka ah kyak ci gui la ng’tuk nak ung ami ngawn gui awn ng’dawn tuk khai gui. Kei ah thu pyen nei” cine uktu Bawipa naw pyen ci.

EZEKIEL 27:23

Haran, Kanneh la Eden mang gaw gui, Sheba sumlei chang gui Asshur la Chilmad mang gaw gui — ami van cu nang awn sumlei ci gui.

ATÜNNAK 3:23

Khanpughi Bawipa naw chang cu ang tüi law nak ah khomdek ung kholo khai ah Eden dum ungka naw k’tääm ci.