ATÜNNAK 2:4 - Cho Bible Common Language 2016

⁴ Shin gui cu Khanpughi naw khankho la khomdek a tüisho nak ah hnüüp ah a mawng gui ah kyak ci. Bawipa Khanpughi naw khankho la khomdek a tüisho thai ung,

ATÜNNAK 2:4 Referans Kwoze

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

JOB 38:28

Kho k’aa la k’dam tui cu ani pa om ne ang?

1 GHANGPUGHANG GUI 18:39

Cun cu chang gui naw hmu u neta, m’dek ung ng’yän neta ami pyen cu, “Bawipa cu Khanpughi nei, Bawipa bäng nei Khanpughi!”

PHYAWN NAK 15:3

Bawipa cu ng’tuk bi, Bawipa cu a ming ah kyak ci.

ATÜNNAK 36:1

Shin cu Edom ah ming ciah Esau ah htangshon ah a mawng ah kyak ci.

ATÜNNAK 1:31

Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.

ATÜNNAK 1:4

Cun ah akdei cu Khanpughi naw hmu ne yei netah akdei la hnüüp cu m’chak ci,

SAM 18:31

Bawipa bäng cu Khanpughi ah kyak ci; Khanpughi bäng cu mi ng’shung nak ah kyak ci.

2 SHONTÄP NAK 20:6

m’lau ne taigü ci, “O Bawipa kami pupa gui ah Khanpughi, nang naw khankho ah ngo ne, khomdek khan ung changpakhui avan cu na uk ci. Nang cu huham mah ne, na m’gäi ci kyasei a u naw kä ning hnungtuk püi hlawt ci.

PHYAWN NAK 6:16

Levi cu thum ah hta ci, cun gui cu; Kershon, Kohath, la Merari, ngami cu ami ming sui gui ciah pahta ah kyak ci gui. Levi cu kum 137 ghing ci.

ATÜNNAK 36:9

Shin cu Esau ah htangshon Edom pakhui ah mawng ah kyak ci.

ATÜNNAK 25:19

Shin cu Abraham ah hta Isaak ah mawng ah kyak ci.

ATÜNNAK 25:12

Sarah ah Egypt changshäm Hakarah la Abraham ah hta Ishmaela ah htangshon cu;

ATÜNNAK 11:10

Shin cu Shem ah htangshon gui ah mawng ah kyak ci. Tuiyiin mü nak khawkum goi lüng sei, Shem cu a khawkum 100 ung pamihta ah hta ne, aming cu Apakshad ah sui ci;

ATÜNNAK 10:1

Shin cu tuiyiin a mü kawn ah Noah ah hta gui, Shem, Ham la Japheth chang pa thum ah htangshon ba gui ah mawng ah kyak ci.

ATÜNNAK 1:28

Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

THU PHLAAN 16:5

Cun kawn ah tui ngäng ciah khankho chang naw “tuhngawi la ngawi yä om ne, theingciim ciah Bawipa, nam khoichaa nak cu bä ne chün ci nei.

THU PHLAAN 11:17

“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

SAM 86:10

Nang cu m’gäi ne cäi aih vai gui na bik ci. Nang bäng cu Khanpughi ah na kyak ci nei.

ATÜNNAK 1:3

Khanpughi naw, “Kho dei sä” ci sei, kho dei lawk ci.

ATÜNNAK 2:3

Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

JOB 38:4

Kei naw khomdek ka pyan yah ung nang na om tu ne ang? Nang na hmat akda ah akyak ung cun ah mawng cu na m’thein ä.