ATÜNNAK 2:3 - Cho Bible Common Language 2016

³ Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

ATÜNNAK 2:3 Referans Kwoze

TAIGÜTHUM 23:3

Nangmi ung nami bii nami bi nak vai ah khaw hnüüp chuk om ci. Cun ung phi a hnüüp chih hnüüp kyin hnüüp cu, ng’düm nak ah hnüüp ah nami shüm ba vai. Cun ah hnüüp ung a i kä nami bi vai, khawihnah vai ah nami ng’bum vai. Nangmi a hawi nami om ung phi, kyin hnüüp cu Bawipa ah khäm ah kyak ci.

MAKUH 2:27

Cun kawn ah Bawipa Jesuh naw akhnu ah, “Chang ah ni nak vai ah hmawk ah kyin nak hnüüp cu m’hnüt ah kyak ci, kyin nak hnüüp ah hmawk ah chang cu tüisho ah kä kyak ci.

EZEKIEL 20:12

Kami ng’lak ung yum ät nak m’hnüt nak ah kyiin hnüüp cu ami k’pan vai ah ka pyang gui ci. Acun naw ngami theingcim sak gui ciah kei, Bawipa cu shüm sak gui khai.

LUKA 23:56

ng’cim hmun la a gook m’shän ne ami k’phuh cu ang hteing ah hmu tuk ci gui. Kyin nak hnüüp ung thukhän läk u ne, a i kä bi ah adüm ah om ci gui.

PHYAWN NAK 34:21

“Nangmi ung nami bii nami bi nak vai hnüüp chuk om ci, cun ung phi a hnüüp chih hnüüp ung a i kä nami bi en vai. M’shi geit yah la geit khäm yah ung phi a i kä nami bi en vai.

NEHEMIAH 9:14

Na ng’chiin nak hnüüp cu theingcim khai ah ami k’pan vai ah na m’theingthang gui ci, Na ng’thukhän gui cu na changshäm Moses ung na pe gui ci.

PHYAWN NAK 23:12

“Hnüüp chuk ung bii nami bi vai, a hnüüp chih hnüüp ung a i kä nami bi en vai. Cun ung nami bii bik ciah nami changshäm gui, khawhei chang gui la nami sei me gui cu ng’düm khai gui.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

ATÜNNAK 2:2

A hnüüp chih hnüüp ung Khanpughi cu a tüisho avan pyi phleh ci kyasei ng’düm ci.

ATÜNNAK 2:4

Shin gui cu Khanpughi naw khankho la khomdek a tüisho nak ah hnüüp ah a mawng gui ah kyak ci. Bawipa Khanpughi naw khankho la khomdek a tüisho thai ung,

ATÜNNAK 1:31

Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.