ATÜNNAK 2:25 - Cho Bible Common Language 2016

²⁵ Pami la hnumi cu a nik plui ah om ci goi, cun ung phi lü ng’aa nak kä om ci.

ATÜNNAK 2:25 Referans Kwoze

ATÜNNAK 3:7

Ngani cu ani ei vai am ani mik m’dei law sei, ani k’plui ah ani om cu hmat lawk ci goi. Khuhnah gui m’ghuh ne pyang ne ng’shung ci goi.

ROMAN 10:11

Cacim theing ung, “A u chang phi Bawipa yum ciah chang cu thüisei nak kä om khai,” ciah om ci.

JOEL 2:26

Tuhbäi nangmi cu nami ei vai da sei, nami phü ci. Nangmi naw Bawipa nami Khanpughi cu nami m’taam khai, ani naw nangmi ah khan ah cäicat vai gui bi pyi ci. Ka chang gui cu a u naw kä päipih ba gui khai nei.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

ISAIAH 47:3

Chang gui naw nang cu k’plui ci sei ning hmuk khai gui; Zungkia ne lü ng’aa ci sei ning hmuk khai gui. Kei naw phu ka tuk khai, a u naw kä na ma na hlawt khai.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

EZEKIEL 16:61

Na be ang vaiba la na be a hmaw ba nai law ba ung nang a i Cha ah na hnün thawh cu na shüm ba khai, na lü ng’aa khai. Shin cu nangmi awn thukhän ung kä a om ung phi, ngami cu nangmi ah hta hnumi gui ah mäih ah ka kyak sak gui khai.

ISAIAH 54:4

Kä na kyih vai, nang cu kä na lü ng’aa ba khai; a u naw kä ning yuk chah ba khai. Na hmaw sang ung kä bekhüt ciah chu ah na kyak nak la hmeinu ah kya ne, a i ah kä kya thei ne na om nak gui cu na m’hnih khai nei.

SAM 25:3

Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

PHYAWN NAK 32:25

“Aaron naw chang gui kä m’khüt ba gui vai ah kyak khai gui ah abi püi gui la ami gaa gui ah ma ah ak gu ah ami kyak cu Moses naw hmu gui ci.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

SAM 31:17

Bawipa, ka ning khü ci nei; kä na lüng’a sak-en ä. Chang omshe gui cu lüng’a sak gui ä; Ngami cu sihnak ah khaw ah düm ah hteh sak gui ä.