ATÜNNAK 2:2 - Cho Bible Common Language 2016

² A hnüüp chih hnüüp ung Khanpughi cu a tüisho avan pyi phleh ci kyasei ng’düm ci.

ATÜNNAK 2:2 Referans Kwoze

HEBRU 4:4

Cacim theing ung ak hnüüp chih hnüüp ah mawng a pyein nak ung, “Khanpughi cu ak hnüüp chih hnüüp ung abi gui avan ung ng’düm ci,” ciah om ci.

PHYAWN NAK 31:17

Shin cu Israel gui la kei ah ng’lak ung, ng’täi ciah m’hnüt nak ah kyak ci. A i ah kyasei ci ung Kei Bawipa naw khankho la khomdek cu hnüüp chuk ung ka tüipyang ci. A hnüüp chih hnüüp ung ka bii cu m’düm ne ka ng’düm ci.

THULÄÄN NAK 5:14

Cun ung phi ak chih hnüüp cu ng’düm ne, kei ung nami ng’ap nak ah kyak ci. Cun ah hnüüp ung a u naw a i kä a bi vai — nangmi, nami hta nau, nami changshäm, nami sei me, nami khaw ung om tuk ciah khawhei chang avan naw a i kä a bi vai. Nami changshäm gui cu nami mät ah mäih ah ami ng’düm tu vai.

PHYAWN NAK 23:12

“Hnüüp chuk ung bii nami bi vai, a hnüüp chih hnüüp ung a i kä nami bi en vai. Cun ung nami bii bik ciah nami changshäm gui, khawhei chang gui la nami sei me gui cu ng’düm khai gui.

JOHAN 5:17

Bawipa Jesuh naw, “Kapa cu angtäi ah bi bik ciah kyasei, kei phi ka bik khai” cik ci.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

ATÜNNAK 1:31

Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.

HEBRU 4:10

A i ah kyasei ci ung Khanpughi ah shaitaak ah düm nak gah ciah chang cu, Khanpughi ah mäih ah amät ah bi a bi ung düm nak gah ci nei.

ATÜNNAK 2:3

Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

PHYAWN NAK 31:15

Nangmi ung nami bii nami bi nak vai hnüüp chuk om ci, a hnüüp chih nak cu dimdeeih ciah düm nak hnüüp, kei ung ng’apnak ah kyak ci. Cun ah hnüüp ung bii bik ciah chang cu ngawn vai.