ATÜNNAK 2:17 - Cho Bible Common Language 2016

¹⁷ Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

ATÜNNAK 2:17 Referans Kwoze

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

JAMES 1:15

Cun ah shekak ciah ng’yak hlü nak cu tüisho law ne cheishoh nak cun phi däm ng’vai law ne, sih nak ah hta lawk ci.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

1 TIMOTHI 5:6

Cun ung phi a om shek ciah hmeinu läi cu a ghin ung phi ak si ah kiak ci nei.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

1 KORIN 15:22

Chang gui cu Adam ung ami kawng ät nak awn sik ci gui, acun ah mäih ah Bawi Khrih ung ami kawng ät nak ung, tho ba ne ghing khai gui.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

1 KORIN 15:56

Sih nak ah k’sam mei cu katnak ah kyak ci, katnak ng’huuk nak cu thukhän ah kyak ci.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

EZEKIEL 18:32

Kei naw tumat a sih vai phi kä ka ng’ya hlük ci nei,” cine uktu Bawipa naw pyen ci. “Nami katnak ungka ng’hlat law ba ne ghing vä.”

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

ATÜNNAK 3:11

Khanpughi naw, “Nang na k’plui ciah a u naw ang a pyen? Kä ei vai ah ka pyen ah am theih cu na ei ne ma?” cine ng’shik ci.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

ROMAN 6:16

Nang mi cu chang tumat ah khlei-htein ah kya ne nami ng’ap ung, a cun ah bawi ah khlei-htein ah nami kyak cu akcang ah nami hmat ci. Nang mi cu katnak ah khlei-htein nah nami kyak ung, nang mi ah gah vai cu sih nak ah kyak ci, Khanpughi ah ng’thu nami ngaih ung nang mi cu Khanpughi naw chang düng ah ning dou gui khai.

EZEKIEL 33:8

Chang shekha cu si lawk khai nei cine kei naw ka ng’shäu ah a kyak ung, cun ung phi ani a om ih am thawng vai ah nang naw ng’thu kä k’bäi ci sei, ani naw a hnun kä hun hning ne, akat nak awn a sih ah a kyak ung, ani ah sih nak cu kei naw nang am ka ning ma na sak khai.

EZEKIEL 18:4

Chang nü ah ghin nak cu kei naw ka k’pang ci, nupa gui ghin nak phi ka k’pang cik, hta nau gui ah ghin nak phi ka k’pang ci. Katnak bik ciah Chang cu sik khai ah kyak ci.

THU PHLAAN 20:14

Cun kawn ah sihnak la sihnak ah khaw avan cu meidäi ung yuk shum ci gui. (Cun ah meidäi cu akhnih vei nak sihnak ah kyak ci.)

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

EZEKIEL 33:14

Kei naw chang shekha cu na sik khai, cine ng’thu ka k’bäi ci, cung phi ani naw katnak nawng ne düng ci la nik ci a bi ah a kyak ung —

THULÄÄN NAK 30:19

Kei naw tuhbäi nami ghü vai ah ghin nak la sih nak, Khanpughi ah hriham la Khanpughi ah plah taam nak, ka ning pe gui ci. Nangmi naw ghü nak nami bi ung saksi khai ah khankhaw la khomdek ka khü ci. Ghin nak cu ghü vä.

THULÄÄN NAK 30:15

“Tuhngawi kei naw ka ning ghü vai ah akni la akshe, ghin nak la sih nak ka ning pe gui ci.

EZEKIEL 18:13

ngui ataw ah ng’pu ci. Ani cu ghing khai ang? Kä ghing khai. Ani naw shin ah shemshai ci gui avan bik ci, cun ah kyasei anisik khai. Ani cu amät ah sih nak vai awn m’kat nak gah khai.

1 GHANGPUGHANG GUI 2:42

ng’thu m’khäh ne pyen ci, “Jerusalem kä na hteh tak en vai ah kei naw Bawipa ah ming ung shaita ne ka pyen ci. Cun ah na bi ah khoi ung ang ghit ah na sik khai nei, ci nei ka ning m’cäi ci. Nang naw phi yum ne, ka ngai khai nei, na cik ciah kä kya ne ang?

1 SAMUEL 14:39

Kei naw Israel gui am näng nak pek ciah, ghing ciah Bawipa ung shai ka tak ci, cheishoh ciah chang cu ngawn vai, ka hta Jonathan ah a kyak ung phi” cik ci. Cun ung phi a u naw a i kä pyen ci.

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

KHEI NAK 26:65

Bawipa naw chang gui ami van bungpuk ah sik khai gui a ciah kyasei, Jephunneh ah hta Kaleb la Nun ah hta Joshua bäng k’pawih ba ci goi, ami van si yawp ci gui.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

ATÜNNAK 2:9

Cun ah dum ung kyom ne, ei hlü vai ah m’theih ciah sing ghing a hlü hlü ghing sak ci. Dum ah ang lung ung ghin nak ah sing ghing phi om ci, akni la akshe m’chaa nak ah sing ghing phi om ci.

THU PHLAAN 20:6

Cun ah ak htük ung tho ba ci gui cu yeikyai nak la hlüngtai nak awn kümbe ci gui. Hnih vei sih nak naw ngami kä k’phaa tu ba gui khai. Ngami cu Khanpughi la Bawi Khrit ah k’taigüi ah kya u ne, Bawi Khrit awn a täng ah khokum phiaa ghaa ung uk tuk khai gui.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

1 SAMUEL 22:16

Ghangpughang naw, “Ahimelek, nang la na mätyah gui avan nami sik khai,” cik ci.

1 SAMUEL 20:31

Nang naw kä na hmat ci ma, David a ghin ah chuih nang cu shin ah khaw ah ghangpughang ah kä na kya hlawt khai? Tuhbäi hteit ne, shin ung law püi ä ani cu sik khai!”

1 SAMUEL 14:44

Saul naw ani am, “Nang kä na sih ah a kyak ung, Khanpughi naw kei na m’sih sä!” cik ci.

1 GHANGPUGHANG GUI 2:37

Nang naw hteh ta ne, Kidron tuilong aka täng ah na hteh a khoi ung, nang cu ang ghit ah na sik khai nei, na mät cu katnak na gah khai nei.”

SUKI GUI 3:2

Ani naw shin ah abi cu ang shon päng ung Israel chang gui am ng’tuk ah mawng am thei nak gui ah kyak ci, ak tung piah kä ng’tu tuman ci gui ah hmawk ah kyak ci.