ATÜNNAK 2:14 - Cho Bible Common Language 2016

¹⁴ Ak thum nak ah tuilawng cu Tikris ming nak ci; Assiria khaw hni law lam ung yu long ci. Ak phli nak ah tuilawng cu Euphratis ah kyak ci.

ATÜNNAK 2:14 Referans Kwoze

DANIEL 10:4

Khokum ah a cha ät nak, a hnüüp mku lei phli nak ung m’gäi ciah Taikris tuinu kem ung ka ng’düi ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

THU PHLAAN 9:14

Cun ah k’aw naw akchuk nak ah khankho chang am, “Euphratis tuinu pei ah khit ne ami k’pawn ah khankaw chang paphli cu k’phyan tu ba gui vä” cine pyen nak ci.

THULÄÄN NAK 11:24

Ak khan ah nami ng’leh nak ah khonglei avan cu nangmi ah kaa ah kyak khai. Nami khopäng cu a htumtäng bungpuk ung yu khüt ne, a siiptäng ah Lebanon Khomhtung gui ung khüt ci. Ak kiangtäng ah Euphratis tuinu ung khüt ne, akhei täng ah Mediteranean tuinu ung khüt ci.

THULÄÄN NAK 1:7

shaum pigaw cu phye ne ng’plon vä, Amorit khaw gui la a peileng khaw gui ung hteit vä, Jordan khaw nawi khaw ung la khaw dou gui ung, a htumtäng khaw la, Mediteranean khaw ung hteit vä, Kanaan khaw la Lebanon M’htung gui ung, Euphratis ung khüt ne hteit vä.

ATÜNNAK 25:18

Ishmaela ah htangshon gui cu Assiria khaw ah hteh nak lam Egypt khaw ah hni law täng Havilah la Shura gawnu goi ah ang lak ung om ci gui. Ngami cu Abraham ah a hei htangshon gui ah om nak vang lam ah om ci gui.

ATÜNNAK 10:22

Shem ah hta gui cu Elam, Asshur, Aphakshad, Lud la Aram ah kyak ci. Ngami cu ming mah ne ng’shon ci gui ah kyak ci.

ATÜNNAK 10:11

Cun ungka naw Assiria khaw ah hteit ne, Nineveh, Rehoboth Ira, Kalah la Resen mang gaw gui cu sa ba ci.

ATÜNNAK 2:13

A hnih nak ah tuilawng cu Kihon ming nak ci; Kush khaw ung yu long ci.

ATÜNNAK 2:15

Bawipa Khanpughi naw chang cu la ne Eden dum cu bi ne m’htei khai ah tha ci.

EZEKIEL 23:23

Kei naw Babilonian gui la Chaldean gui ami van, Pekod, Shoa, la koa ah Chang gui la Assirian gui ami van ka law püi gui khai. Kei naw cun ah Chang nong mang gui la bawi gui avan, küikyang ciah bawi gui la hlüng ciah ng’secum gakap bawi gui avan cu ka k’bum gui khai.