ATÜNNAK 19:7 - Cho Bible Common Language 2016

⁷ “Teihpüi gui aw, nami bä ni, cukcha ah akshe ah kä bi en vä!

ATÜNNAK 19:7 Referans Kwoze

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

ROMAN 1:24

Cun ah a mawng ung Khanpughi naw cun ah chang gui cu, ami m’lung kyong ah ng’yak hlü ah ami kyak nak vai la, tumat la tumat thui hmai nak ami bi nak vai ah nawng gui ci.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

SUKI GUI 19:23

Cun ung phi a ghipa nu cu lut law neta a pyen nak gui cu, “Ka nei, ka teihpüi gui aw! Nami bä ne! Shin ah mäih ah akshe, ng’zawpawn nak cu kä bi vä! Shin ah chang cu ka k’khin nei.

THULÄÄN NAK 23:17

“A u Israel chang, pami phi, hnumi phi, Taigüim ung chang plet ah kä a kyak vai.

TAIGÜTHUM 20:13

Pami tumat cu a hei pami awn ani ng’yawpawm ah a kyak ung, ngani cu kä akni pi bik ci goi ah kyak ci, ani nik hnih ngawn goi vai. Ngani cu ani mät ah sih nak vai ma nak ci goi ah kyak ci.

TAIGÜTHUM 18:22

A u pami phi ak pami paw awn kä a ng’yawpawm en vai, cun cu Khanpughi naw thüi nak ci.

ATÜNNAK 19:4

Khin goi kä ani ih pha ung Sodom gawnu ung om ciah pami a hmaw ang vai ami van law u ne, Lotah ah im cu koi u neta,

ATÜNNAK 19:6

Lotah cu akpung ah lut law ne, shoh hei khai ba neta,

ATÜNNAK 19:8

Teng vä, kei ung ka hta hnumi hta hnih om ci, cun goi cu ka ning ap gui khai, ngani awn nami m’hni ah ng’yawpawm vä. Cun ung phi shin ah chang goi läi a i ah kä ci en goi vä, ngani cu ka im khin ah kyak ci goi, kei naw ka shungvong goi khai” cik ci.

SUKI GUI 9:26

Ebed ah hta Kaala cu a phäi nau gui awn Shekhem ah lawk ci, Shekhem chang gui naw ani cu yum ci gui.