ATÜNNAK 19:5 - Cho Bible Common Language 2016

⁵ Lotah cu khü u ne, “Tuhmü na im ah ip tuk khai ah lawk ciah chang goi a hawi ang? Sodom chang pami gui naw kami ng’yawpawm püi goi vai ah na ap gui ä” cine k’thäh ci gui.

ATÜNNAK 19:5 Referans Kwoze

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

TAIGÜTHUM 18:22

A u pami phi ak pami paw awn kä a ng’yawpawm en vai, cun cu Khanpughi naw thüi nak ci.

1 TIMOTHI 1:10

Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

EZEKIEL 16:51

“Nangmi ah katnak a teih hlawk phi Samaria naw katnak kä bik ci. Ani ah bi ah ta däm pi ne shemshai khai ah nangmi name hnün tho ci. Nang ah hma katnak gui awn m’täng ung nang ah be gui cu Chang ni ah mäih ah kyak ci gui.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

TAIGÜTHUM 20:13

Pami tumat cu a hei pami awn ani ng’yawpawm ah a kyak ung, ngani cu kä akni pi bik ci goi ah kyak ci, ani nik hnih ngawn goi vai. Ngani cu ani mät ah sih nak vai ma nak ci goi ah kyak ci.

2 PETER 2:2

Cun ung phi chang akda naw shekak ciah ami lam cu läk khai nei. A i ah kyasei ci ung ngami ah bilawh nak awn chang a hei gui naw thucim ah lam cu päipih khai gui nei.

2 PETER 2:7

Cun ung phi chang shekha gui ah om ah cheishoh ciah chang k’ni Lot cu phiawn sak ci.

ATÜNNAK 19:6

Lotah cu akpung ah lut law ne, shoh hei khai ba neta,

THULÄÄN NAK 23:17

“A u Israel chang, pami phi, hnumi phi, Taigüim ung chang plet ah kä a kyak vai.

1 GHANGPUGHANG GUI 14:24

Akshekha pi cu, a gup khawihnah nak ah hmun gui ung pawmyaa ciah hnumi pami gui ami bilawh ah kyak ci. Israel kho ung ami gawk law yah ung cun ah kho ungka Bawipa naw aktäm gui ah chang gui ah ami bi ah thui ng’aa nak avan cu Judah chang gui naw bik ci gui.

1 GHANGPUGHANG GUI 22:46

Apa Asa ah khin ung k’pawi shüt ciah khogam ah sonkiang ung bi bik ciah pawmya ciah hnumi pami gui avan cu ani naw heeng gui yawp ci.

EZEKIEL 16:50

Ngami cu Chang ah ng’shei ci gui, ami m’lung ling ci, kei ah ka thüi nak cu bik ci gui, cun ah kyasei nangmi naw akni ah name hmat ah mäih ah kei naw ka m’di gui ci.