ATÜNNAK 19:34 - Cho Bible Common Language 2016

³⁴ A ngawi ung angvai pi naw a hmaw ba am, “Yan mü kei naw ka ih püi pyi ci, tuh mü mä awktat khai ah ni tu ba khäta, nang naw na ih püi vai, cun ung nik ni cu ni pa awn ni hta lawk khai” cine pyen ci.

ATÜNNAK 19:34 Referans Kwoze

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

JEREMIAH 6:15

Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

ATÜNNAK 19:33

Acun ah mü ung ani pa cu awktat khai ah tu ni neta, angvai ba naw yaw ne ih püi ci. Ani pa cu ana ah awktat ci kya ne a i kä shüm ba ci.

ATÜNNAK 19:35

A cun ah mü ung ani pa cu awktat khai ah tu ni neta, a hta hnumi a hmaw ba awn ng’yaw ne ip ci goi. Ani pa cu ana ah awktat ci kiane a i kä shüm ba ci.