ATÜNNAK 19:3 - Cho Bible Common Language 2016

³ Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

ATÜNNAK 19:3 Referans Kwoze

1 SAMUEL 28:24

Hnumi naw plan khai ah a vuh ah sei hta cu ang ghit ah ngawn ci. Ani naw m’htut vai den cu la ne, pyang ne, k’caw kä shum ah m’htut cu ng’shai ci.

SUKI GUI 6:19

Cun ah kyasei Kideon cu a im ah hteit ba ne, Mehta tumat cu shong ci, htangphyawi gha awn k’caw kä shum ah m’htut cu pyang ci. Ani naw meh cu dawn ung tha ne, meh tui cu khawk ung lou neta m’dung ghing ka, Bawipa ah khanchang ah om nak law püi ne, ani am pek ci.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

1 KORIN 5:8

Cun ah kya sei katnak la cheishoh nak ah kyak ciah k’caw ak pyim shumah m’htut awn ah kä kyak ciah ng’cim nak la ng’düng nak ah kyak ciah k’caw kä shum ah m’htut awn phiawn nak pawi cu mi bik khai nei.

PHYAWN NAK 12:39

Egypt khaw ah ka ami law püi ah k’caw kä shum ah m’htut den cu ng’shai ci gui, a i ah kyasei ci ung ngami cu ang ghit ah Egypt khaw ungka ami k’täm gui ah kya ne, ami ei vai ami pawng püi nak vai, m’htut ami pyan nak vai ah akhin kä ami gah ah hmawk ah kyak ci.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

JOHAN 12:2

Bawipa Jesuh-am mü-ei m’bei vai ah Mahta naw ei loi ne chang ci. Bawipa Jesuh awn a täng ah vun ne, Lasaruh phi ei vai tuk ci.

LUKA 14:23

Im mah naw, “Pigaw im lo yung nüng ah hteit ne, ka im ung be khai ah, chang gui khü law gui yä, ayan khü gui ma ah chang tumat naw phi;

LUKA 11:8

Im mah naw ka teihpüi ah kyak ci, cine let law ba ne m’htut kä hang pe ba khai. Cun ung phi ani cu kä lü ng’aa ne ang yawih laih laih ah a kyak ung im mah naw let law ba ne m’htut cu hang pe ba ling khai.

LUKA 5:29

Cun kawn ah Bawipa Jesuh cu Levi naw a im ah aktung ah khin nak ci. Acun ung akhon look ci gui la chang hei gui khin akda law tuk ci gui.

2 GHANGPUGHANG GUI 4:8

Hnüüp ät ung Elisha cu bühmang ciah hnumi ah om nak Shunem ah hteit ci. Ani naw khü ne ei m’bei tuk ci, cun ung tün ne, Shunem ah a hteh päng ung a cun ah hnumi ah im ah ei ei tuk ci.

PHYAWN NAK 12:15

Bawipa naw, “Khaw hnüüp chih ung k’caw shum ah m’htut kä nami ei en vai, k’caw kä shum ah m’htut bäng nami ei vai. A hnüüp ät hnüüp nami im ungka k’caw avan nami ghawh vai. Cun ah hnüüp chih ah kyong ung chang tumat mat naw, k’caw shum ah m’htut a ei ah a kyak ung ani cu kei ah chang ah kä kya ba khai.

ATÜNNAK 21:8

A hmaw Isaak cu däm ng’vai law ne, suuk a chah hnüüp ung Abraham naw pawi aktung ah bik ci.

ATÜNNAK 19:2

“Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.

ATÜNNAK 24:31

“Kami im ah law ä, a i ah kyasei akpung ah na ng’düih ang? Ka im ah na om nak tu vai ah kyong om ci nei, kalauk gui ah om nak vai phi om ci nei” cik ci.

ATÜNNAK 26:30

Cun kawn ah Isaak naw aktung ah khin na gui ne ei awk ci gui.