ATÜNNAK 19:25 - Cho Bible Common Language 2016

²⁵ Mang gaw goi la khaw ng’nawi avan, pigaw ung chang avan, la m’dek ung phung ghing ci phung avan di yawp ci.

ATÜNNAK 19:25 Referans Kwoze

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

ATÜNNAK 14:3

Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci.

ATÜNNAK 13:10

Lotah naw dan shüi neta, Jordan khaw ng’nawi avan cu hmuk ci. Cun cu Zoar gawnu ah hteh nak lam, tui ah da nak, Bawipa ah chaam ah mäih, Egypt khaw ah mäih ah kyak ci. (Cun cu Bawipa naw, Sodom la Komorrah kä a m’di pha ung ah kyak ci.)

2 PETER 2:6

Khanpughi naw Sodom la Komorrah cu mei awn m’khih ne m’di ci, cun cu kä yum ci gui ah chang khan ah gawk lawk khai ah mawng am dang nak ah kyak ci.

ATÜNNAK 13:12

Abram cu Kanaan khaw ung om ci. Lotah cu mang gaw gui ah ng’lung khaw ng’nawi ung om ne, Sodom mang gaw pei ah phung k’süm ci.

THULÄÄN NAK 29:23

Khaw lo gui cu käu ne maih khai la m’shi naw küm khai. A i geit na kä gah vai. Khumghaw phi cun ung kä pyou hlawt khai. Nami khaw cu Bawipa naw aknui ah amlungshe yah ung amdi ah Sodom la komorrah, Admah la Zeboiim mang gaw gui ah mäih ah kyak khai.

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

JEREMIAH 20:16

Cun ah chang cu Bawipa naw am gein kaa ah amdi ah mang gaw gui ah mäih ah kya sä. Ani naw kho ngawitäng ah m’neh ne ng’hlo ei nak cu ng’ya sä, kho hnüüp yah ung ng’tuk nak ah k’aw cu ng’ya sä,

JEREMIAH 49:18

Cun gui la a pei ah gaw nu gui ami m’di law yah ung Sodom la Komorrah ah khan ah a kyak ah mäih ah Edom ah khan ah kya lawk khai nei. Cun ung a ngawi ah phi a u kä om ba khai nei. Kei, Bawipa naw ka pyen nei.

JEREMIAH 50:40

Kei naw ngami la apei yung ah gawnu gui ka m’di gui yah ung Sodom la komorrah khan ah kyak ciah mäih ah Babilon ah khan ah kyak khai nei. A cun ung angawi ah phi a u kä om ba khai nei. Kei, Bawipa naw ka pyen nei.

NG’ÄI KYAH 4:6

Kei ah ka chang gui cu sodom ung chang gui ah ta nui pi khai ah m’kyuk nak gah ci gui. Acun naw Khanpughi ah kut ungka ang ghit yung kyak nak cu bui ci.

EZEKIEL 16:50

Ngami cu Chang ah ng’shei ci gui, ami m’lung ling ci, kei ah ka thüi nak cu bik ci gui, cun ah kyasei nangmi naw akni ah name hmat ah mäih ah kei naw ka m’di gui ci.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

ZEPHANIAH 2:9

Kei cu akcang ah ghing ciah Bawipa, Israel ah Khanpughi ah ka kyak ci, Moab la Ammon cu Sodom la Komorrah ah mäih ah kei naw ka m’di khai ah ka k’bäi ci. Ngami cu m’shi tui ah li nak, angtäi sei shekat nak la ng’hling ah phung nak ah kyak khai gui. Pawih ba cih ka chang gui naw ngami cu näng gui ne ami khaw phi khäm khai gui.”