ATÜNNAK 19:22 - Cho Bible Common Language 2016

²² Akzaang ah dawng ä! A cu ah kä na gawk pha ah chuih kei naw a i kä ka bi cang khai nei” cine pyen ci. Lotah naw gawhta a ciah kyasei cun ah pigaw cu “Zoar” ah a ming sui ci gui.

ATÜNNAK 19:22 Referans Kwoze

ATÜNNAK 13:10

Lotah naw dan shüi neta, Jordan khaw ng’nawi avan cu hmuk ci. Cun cu Zoar gawnu ah hteh nak lam, tui ah da nak, Bawipa ah chaam ah mäih, Egypt khaw ah mäih ah kyak ci. (Cun cu Bawipa naw, Sodom la Komorrah kä a m’di pha ung ah kyak ci.)

ATÜNNAK 14:2

Ghangpughang hma ah kyak ciah Sodom ah kaa Bera, Komorrah ah kaa Birsha, Admah ah kaa Shinab, Zeboiim ah kaa Shemeber la Bela (Zoar ah phi ami pyen) ni gui awn ng’tuk ci gui.

THULÄÄN NAK 9:14

Kei kä na na düm sak en vä, kei naw ngami m’di gui vai ah ka pawng ci. Cun ah kyasei ngami cu a u naw kä shüm ba gui khai. Kei naw nang cu däm pi ciah pakhui ah pa, huham mah pi ciah ka ning pyang khai.

PHYAWN NAK 32:10

Tuhbäi, ka omdüt vai ah kä na tha en nak vai, kei ka m’lungshe pyi ci nei. Kei naw ka m’di gui khai nei. Cun kawn ah nang la na hta ng’shon gui cu pakhui küi ah ka ning pyang gui khai nei” cik ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

2 TIMOTHI 2:13

Mikmi kä mi bekhüt ung phi, Bawipa cu bekhüt ci, a i ah kyasei ci ung Ani cu amät naw amät cu käm shet phung ci.

MAKUH 6:5

Bawipa Jesuh cu cun ah pigaw ung gawpai ci gui api a kut taih ne a gai sak gui ah kawn ah cäi aih vai a i phi kä m’dang hning ci.

JEREMIAH 48:34

Heshbanla Elealeh ung chang gui cu kyap ci gui, ngami ah kyah cu Jahaz ah ka güt naw ng’yak nei; Cun cu Zoar chang gui naw ng’yak ci gui. Hnronaim la Eklath Shelishiyah ah ka naw phi ng’yak nei. Nimrim tui hta phi ket ci nei.

ISAIAH 65:8

Bawipa naw pyen ci, “Sapyit theih ak ni cu a u naw kä m’di man ci, a cun awn sapyit tui vah piangman ci gui. Kei naw ka chang gui avan cu kä m’di gui khai-kei ah bi bik ci gui cu ka hun gui khai.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

ATÜNNAK 19:21

Ani naw, “ä! Ka yum ci nei, cun ah gaw hta cu kä ka m’di khai nei.

ATÜNNAK 19:23

Lotah cu Zoar ah khawhni pyü law sei gawk ci.

THULÄÄN NAK 34:3

Judah khaw a htumtäng Zoar ungka naw Jerikho ungkhüt ciah khawdou, Can ghing guiah om nakmang gaw,