ATÜNNAK 19:21 - Cho Bible Common Language 2016

²¹ Ani naw, “ä! Ka yum ci nei, cun ah gaw hta cu kä ka m’di khai nei.

ATÜNNAK 19:21 Referans Kwoze

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

SAM 102:17

Ami nawng ah ak chang gui cu ngai gui ne, ami taigü cu ngaih pe gui khai.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

LUKA 11:8

Im mah naw ka teihpüi ah kyak ci, cine let law ba ne m’htut kä hang pe ba khai. Cun ung phi ani cu kä lü ng’aa ne ang yawih laih laih ah a kyak ung im mah naw let law ba ne m’htut cu hang pe ba ling khai.

MATTHE 12:20

Ani naw ak thagui kä om cicu k’dükdawm ne, a yi-hnei vai kä om cicu chimgein khai. Ani cu düng nak awn näng nak ung khüt khai ah bi bik khai.

ATÜNNAK 18:24

Cun ah gawnu ung chang ni hmakip a om ah a kyak ung phi gawnu avan na m’di khai ma? Chang ni hmakip ah hmawk ah kä na k’phyawn khai ma?

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 4:7

Ng’düng ciah bii na bi vaisü ung na hmai kiang khai süte; cung phi akshe na bik ci kyasei, katnak cu na m’kawt ung ng’boop ci nei. A cun naw ning uk vai ci nei, cun ung phi nang naw na m’khüt vai nei” cik ci.

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

ATÜNNAK 19:20

Gaw hta tumat cu nang naw na hmat ci, cun cu ng’et ci, a cu ah na hteh sak ä, cun cu khaw hmun ak chaw ah kyasei, cau ah ka gawk ung ka phyawng khai nei” cik ci.

ATÜNNAK 19:22

Akzaang ah dawng ä! A cu ah kä na gawk pha ah chuih kei naw a i kä ka bi cang khai nei” cine pyen ci. Lotah naw gawhta a ciah kyasei cun ah pigaw cu “Zoar” ah a ming sui ci gui.

1 SAMUEL 25:35

Cun kawn ah David naw a law püi gui cu dou neta, ani am “Na im ah hteit ba ä, kä ng’ä ä. Na ng’yak hlü ah kei naw ka bik khai nei” cik ci.

PHYAWN NAK 33:17

Bawipa naw Moses am, “Tuhbäi nak thäh ah mäih ah kei naw ka bik khai nei. Kei naw nang cu akni ah ka ning hmat ci, nang ah khan ah ka yeikyai ci nei” cik ci.