ATÜNNAK 19:2 - Cho Bible Common Language 2016

² “Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.

ATÜNNAK 19:2 Referans Kwoze

ATÜNNAK 18:4

Nami khawpha nami m’si nak vai tui ka law püi khai nei, shin ah sing ghing ah kaa ah ng’düm cang vä.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LUKA 7:44

Bawipa Jesuh naw, “Nang ah ngaih cu hman ci nei,” ci nak ci. Cun kawn ah hnumi lam ah ng’hlat netah, Simon-am, “Shin ah hnumi na hmuk ci ang? Kei cu na im kyong ah ka luh law yah ung khaw m’si nak vai kä na na pek ci. Cun ung shin ah hnumi naw ang phli tui awn ka khaw nam si ne, alusam awn ghu pyi ci nei.

JOHAN 13:5

Cun kawn ah tuiko ung tui kei ne ang düihpüi gui ah khaw cu m’si netah, hmai ghu nak kawn ami kho cu ghu pe gui ci.

ATÜNNAK 19:1

Cun ah mühun ung khankho chang hnih cu Sodam gawnu ah gawk lawk ci goi. Lot cu gawnu m’kawt ung ngaw ne, ngami cu hmu goi netah, ng’düi law ne ana do goi ci. Ani cu ani ma ah kawp netah,

ATÜNNAK 19:3

Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

ATÜNNAK 24:31

“Kami im ah law ä, a i ah kyasei akpung ah na ng’düih ang? Ka im ah na om nak tu vai ah kyong om ci nei, kalauk gui ah om nak vai phi om ci nei” cik ci.

ATÜNNAK 43:24

Changshäm naw ngami cu kyong ah luh püi gui ci. Ani naw tui pe gui sei ami khaw m’si ci gui. Ani naw ami laa phi vuh pe gui ci.

SOLOMON NG’Ä~ 5:3

Kei cu kä suisa ne ka om pyi ci nei; a i ah kyasei ka suisak ba vai ang? kei cu ka khaw ka m’si pyi ci; A i ah kyasei ka lelawi ba vai ang?

2 SAMUEL 11:8

Cun kawn ah ani naw Uriah am, “Na im ah hteit ba ne a shäng na ng’düm vai” cine pyen nak ci. Uriah hteit ba sei, David naw a im ah phäh ah pe tak ci.

JOB 31:32

Kei naw hteit hton ci gui phi ka im ung ka khü gui ci, lam düt ung kä ka ih sak gui man ci.

NG'THU K'THUUK~ 25:17

Na im ng’phei ah ashäng shäng aih kä na om tu vai. Ani cu nang ah phäh ah bawngbai neta ning gen lawk khai.