ATÜNNAK 19:17 - Cho Bible Common Language 2016

¹⁷ Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

ATÜNNAK 19:17 Referans Kwoze

LUKA 9:62

Bawipa Jesuh naw, “Vintang, m’hachaa kawt ne, a hnu ah va mang ba ci cu Khanpughi ah Uknak kho ah hmawk ah a i ah kä mawng ci nei” ci na gui ci.

ATÜNNAK 19:26

Lotah ah ak chu cu a hnu ah va mang ba neta, m’shi tung ah kyak ci.

ATÜNNAK 19:22

Akzaang ah dawng ä! A cu ah kä na gawk pha ah chuih kei naw a i kä ka bi cang khai nei” cine pyen ci. Lotah naw gawhta a ciah kyasei cun ah pigaw cu “Zoar” ah a ming sui ci gui.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

JEREMIAH 48:6

Ngami naw, ‘Nami ghin hlü ung ang ghit ah dawng vä!’ Bung hmu ah ng’sela ak’zäng ah mäih ah dawng vä!’

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

ATÜNNAK 13:10

Lotah naw dan shüi neta, Jordan khaw ng’nawi avan cu hmuk ci. Cun cu Zoar gawnu ah hteh nak lam, tui ah da nak, Bawipa ah chaam ah mäih, Egypt khaw ah mäih ah kyak ci. (Cun cu Bawipa naw, Sodom la Komorrah kä a m’di pha ung ah kyak ci.)

SAM 121:1

Kei naw kho gui ka dan ci; Kei na m’htei khai a hawi ah ka lawk khai ang?

1 SAMUEL 19:11

A cu mü David cu a im ung mah ne, akhaw ngawi ung ngawn khai gui ah chang gui tüi gui ci. David akchu Michala naw am cäi cu, “Tuhmü kä na dawng ah a kyak ung ngawi ung na sik khai.”

ATÜNNAK 18:22

Hnih goi cu Sodom gawnu lam ah hteit ci goi, Bawipa cu Abraham awn k’pawih shüt ci goi.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

ATÜNNAK 14:10

Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui.

ATÜNNAK 19:18

Lotah naw, “Saya aw, cun aih ah kä na dawng sak gui ä.

ATÜNNAK 19:30

Lotah Zoar gawnu ung a om ba vai ah kyi law neta, a hta hnumi goi awn a täng ah khomhtung ah kai ne, lung khui ung om ci gui.

KHEI NAK 16:26

Ani naw chang gui am, “Shin ah chang shekha gui ah shaum awn ng’shawng ne ng’düi vä. Ngami ah ka a i phi kä nami tawn en vai nei. Kä cun ung nangmi cu, ngami ah katnak avan ah phäh ah ngami awn a täng ah nami di tuk khai nei.”

1 GHANGPUGHANG GUI 1:12

Na hnun-gui la na hta Solomon ah hnun-gui nak phyawn hlü ah a kyak ung, kei naw ka ning m’shümthein khai,

LUKA 12:23

Hnun ghin nak cu ei awk ah ta bä pi ci, pumsa cu suisak ah tah bä pi ci.