16 Lotah cu shoshü khätah, Bawipa naw m’gein neta, khanchang gui naw amät la akchu ni, a hta goi ni cu ami kut awn k’pang ne, gawnu k’pung ah dawng püi gui ci gui.
mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.
Cun ung phi akhawnlook ciah chang läi cu, ani awn ang shawng ah ng’düi net, khan kä dang dat ah kawp netah, “Aw, Khanpughi aw, kat nak ka bik ciah kei chang kaa cu nam gein ä” cine ang kyang k’beeih ne taigü ci.
ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.
Ani cu chimgein ciah Khanpughi nei. Ani naw kä ning nawng gui khai. Kä ning m’di gui khai, nami pupa gui ung ani amät naw a bi ah thukhän cu ani naw kä m’hnih khai.
“Kei Bawipa cu ayäi ah kä kam lungshe ci, kei naw dämduh ciah m’hni nak bekhüt nak cu m’dang ne, katnak la hnungtuk küknet nak cu ka m’geinsei ci. Cun ung phi ami pupa ah katnak ah hmawk ah htanau gui la tuhta gui ah khan ah ng’shon thum phli ung m’kyuk nak cu kei naw kä ka k’phlawi ci.
Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.
Cun kawn ah Joshua naw ng’däät ciah chang goi cu m’thein goi ne, “Plet ciah hnumi ah im ah lut ni neta, nani shaitak te ah mäih ah ani la akyong chang gui cu na ni law püi vai” cik ci.
Khaw ngawi ah khanchang goi naw Lotah cu k’tawng ni ne, “Nak chu la na hta hnumi goi cu ang ghit ah dawng püi goi ä, kä cun ung gawnu ah di nak ung nangmi phi nami di tuk khai nei” cik ci goi.
Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.
Egypt khaw ah changshäm ah nami kyak cu nami shüm ba vai. Kei, Bawipa nami Khanpughi naw dämduh ciah ka huham la ka thagui awn ka ning gung gui ci. Cun cu kyiin hnüüp nami geng nak vai ah ka ning thumkhän gui ah kyak ci.
Cun ung phi Bawipa naw ning m’hni gui ci. Nami pupa gui awn abi ah shaitak cu khän htek sak hlük ci. Cun cu ani naw dämduh ciah am gäi nak awn, a ning hun gui la Egypt ghangpughang ah changshäm ungka a ning m’hlawt gui ah hmawk ah kyak ci.