ATÜNNAK 19:14 - Cho Bible Common Language 2016

¹⁴ Lotah cu a hta hnumi gui ah cei gui vai ah om nak ah hteit neta, “Ang ghit ah ng’düi law vä, shin ah gawnu ungka mi dawng khai nei, Bawipa naw shin ah hmun cu m’di lawk khai nei” cik ci. Cun ung phi ngami naw a hleei ah ngai ci gui.

ATÜNNAK 19:14 Referans Kwoze

KHEI NAK 16:21

“Shin ah chang gui ah hnu ah ng’shawng ne ng’düi ni ä. Kei naw akten ah ka m’di law gui khai nei” cik ci.

KHEI NAK 16:45

“Shin ah chang gui ah ami hnu ung ng’düi vä, Kei naw a shin ung ka m’di law gui khai.” Ngani ani nik hnih cu m’dek ung hmai na ne kawp ni neta,

JEREMIAH 51:6

Babilonia ungka dawng vä! Nami ghin vai ah dawng vä! Babilonia ah katnak ah phäh ah kä ning ngawn cu gui u sä. Kei naw tuhbäi phu ka shui yah ci, ami chei ah phäh ka m’kyuk gui yah ci.

KHEI NAK 16:26

Ani naw chang gui am, “Shin ah chang shekha gui ah shaum awn ng’shawng ne ng’düi vä. Ngami ah ka a i phi kä nami tawn en vai nei. Kä cun ung nangmi cu, ngami ah katnak avan ah phäh ah ngami awn a täng ah nami di tuk khai nei.”

2 SHONTÄP NAK 30:10

Thukpüi gui cu Ephraim la Manasseh pakhui khopäng mang gaw nü ung, a siiptäng Zebulun pakhui kho ung khüt sei hteit ci gui, cung phi chang gui naw gaih tu gui ne, päipih gui ci gui.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

LUKA 24:11

Ang düihpüi gui naw hnumi gui ah pyein cu, kä yum veih ci gui.

MATTHE 9:24

Cun kawn ah Bawipa Jesuh naw, “Ng’nawn vä, shin ah hnumi hta sik ciah kä kyak ci, ip ci nei,” cine kya khätah, chang gui naw päipih ci gui.

EZEKIEL 20:49

Cun ung phi kei naw ka m’shang ba ci, “Uktu Bawipa, cun ah kä na bi sak en ä! Kei naw ak phlüt ah ng’thuzi awn ka ng’thu ciah chang päng naw pyen law pyi ci gui nei.”

JEREMIAH 20:7

Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

ISAIAH 28:22

Kei naw ka ning pek gui ah thukbäi cu kä nami gaih en vai nei, nami gaih ah a kyak ung nami phiawn vai cu khak pi khai nei. M’gai ciah Bawipa naw khawpäng apum ah m’di khai ah akbäi cu kei naw ka ng’yak ci nei.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

MATTHE 1:18

Jesuh Khrit ang tüi law ah mawng cu shin ah kyak ci; Mari cu Josef ung ami beit kawn ah, kä ani ni om ng’chungla pha ung, Mumcha Theing awn käü mah lawk ci.

PHYAWN NAK 12:31

A cun ah mü ung ghangpughang naw Moses la Aaron cu khü goi neta, “Hteit vä, nang la na Israel chang gui! Ka khaw hteh ta vä, nami k’thäh ah mäih ah hteit ne Bawipa cu khawihnah vä.

PHYAWN NAK 9:21

Amshah gui naw Bawipa ah ng’thu cu a i ah kä ngai u ne, ami changshäm gui la ami seime gui cu chah düt ci gui.

ATÜNNAK 19:22

Akzaang ah dawng ä! A cu ah kä na gawk pha ah chuih kei naw a i kä ka bi cang khai nei” cine pyen ci. Lotah naw gawhta a ciah kyasei cun ah pigaw cu “Zoar” ah a ming sui ci gui.

ATÜNNAK 19:17

Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

ATÜNNAK 19:15

Khaw ngawi ah khanchang goi naw Lotah cu k’tawng ni ne, “Nak chu la na hta hnumi goi cu ang ghit ah dawng püi goi ä, kä cun ung gawnu ah di nak ung nangmi phi nami di tuk khai nei” cik ci goi.

JEREMIAH 43:1

Bawipa ami khanpughi naw ka m’thein gui vai ah ana pek gui phang cu chang gui am m’thein ne ka ng’pyi ci.

JEREMIAH 43:2

Cun kawnah Hoshaiah ah hta, Azariah, kareah ah hta Johanan la ahei m’gäim’cikciah chang avan naw na pyen nak ci gui, “Nang na hleei ci. Egypt khaw ah kä kami hteh vai ah na na m’thein gui khai ah Bawipa mi khanpughi naw kä ning tüi lawk khai.