ATÜNNAK 19:13 - Cho Bible Common Language 2016

¹³ Shin ah hmun avan cu kami m’di lawk khai nei. Bawipa naw, shin ah hmun ung chang gui ah shetkat kyah m’lau aih cu ng’ya neta, Sodom gawnu cu m’di vai ah ana tüih law gui nei” cine pyen ci gui.

ATÜNNAK 19:13 Referans Kwoze

ATÜNNAK 18:20

Bawipa naw Abraham am, “Sodom la Komorrah ung ami kyah m’lau nak cu däm aih ne, ami cheishoh nak da aih sei,

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 36:10

Nangmi naw Bawipa ah bawm nak kä om sei, nami kho cu tu ne ka m’di khai ah nami ngai ne ma? Kei naw tu ne ka m’di vai ah Bawipa amät naw na pyen nak ci nei.”

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

ATÜNNAK 19:12

Cun ah chang goi naw Lotah am, “Nang ung na mätyah a u om ba ne ang na hta gui, na kawi gui, na mätyah gui — shin ah gawnu ung om ci gui avan dawng püi gui ä.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

THULÄÄN NAK 4:26

Tuhngawi kei naw khankho la khomdek cu ning hnungtuk püi gui ne saksi khai ah ka khü ci. Nangmi naw kä nami na ngaih ah a kyak ung shin ah khaw ungka nami maih khai. Jordan tuinu kat ne nami khäm vai ah khaw ung nangmi akshou kä nami om khai. Nangmi cu nami htin khai ah ning m’di gui vai.

THULÄÄN NAK 28:45

“Shin ah leigai gui avan nami khan ah gawk lawk khai. Cun gui cu nangmi kä nami di pha ah chuih nangmi ung om khai gui. A i ah kyasei ci ung nangmi naw Bawipa nami Khanpughi ah ng’thu phi kä läk ne a ning pek gui ah thumkhän avan phi kä nami pang ci.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

KHEI NAK 16:21

“Shin ah chang gui ah hnu ah ng’shawng ne ng’düi ni ä. Kei naw akten ah ka m’di law gui khai nei” cik ci.