ATÜNNAK 19:1 - Cho Bible Common Language 2016

¹ Cun ah mühun ung khankho chang hnih cu Sodam gawnu ah gawk lawk ci goi. Lot cu gawnu m’kawt ung ngaw ne, ngami cu hmu goi netah, ng’düi law ne ana do goi ci. Ani cu ani ma ah kawp netah,

ATÜNNAK 19:1 Referans Kwoze

ATÜNNAK 18:22

Hnih goi cu Sodom gawnu lam ah hteit ci goi, Bawipa cu Abraham awn k’pawih shüt ci goi.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

JOB 31:32

Kei naw hteit hton ci gui phi ka im ung ka khü gui ci, lam düt ung kä ka ih sak gui man ci.

LUKA 17:28

Acun ah mäih ah Lotah ah om yah ung phi, chang gui cu ei aw ne, sumlei ne, k’pyu-im ne, kholo ne om te ci gui.

ATÜNNAK 11:27

Shin gui cu Terah ah htangshon gui ah kyak ci. Terah cu Abram, Nahor la Haran ah hta ci. Haran cu Lota ah hta ci,

ATÜNNAK 18:16

Cun ah chang gui cu hteit ba u ne, Sodom mang gaw ah dang nak ung gawk ci gui, Abraham naw tha tuba gui ci.

ATÜNNAK 19:2

“Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.

ATÜNNAK 19:10

Cun yah ung kyong ah om ciah chang hnih cu lut law ni ne, Lotah cu kyong ah hei m’hluh ba ni neta shoh khai ci goi.

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

ATÜNNAK 13:12

Abram cu Kanaan khaw ung om ci. Lotah cu mang gaw gui ah ng’lung khaw ng’nawi ung om ne, Sodom mang gaw pei ah phung k’süm ci.

ATÜNNAK 23:12

Cun ung phi Abraham naw Hittit chang gui ah ma ah kawp neta,

ATÜNNAK 48:12

ak hmaw goi cu la ba goi ne, m’dek ung a hmai gawk khai ah ama ah kawp ci.

RUT 4:1

Boaz cu gawnu m’kawt pei ng’hmuh nak ahhmun ung hteit ne ngok ci. Elimelek ah mätyah ang een pi, Boaz ah pyen ah chang cu law khäta, Boaz naw khü ne, “Ka teihpüi aw, shin ung law ne ngo law ä” cik ci. Cun ah kyasei ani law ne ngo law tuk ci.

JOB 29:7

Mang gaw ung ang vaihta gui awn kami ng’hmuh law ung, ami ng’lung ah kei cu ka ngo man ci.