ATÜNNAK 18:8 - Cho Bible Common Language 2016

⁸ Cun kawn ah sathau ni, sei suuk ni, sei sa ni law püi ne, sing ghing ah kaa ah ani naw khin na gui sei, ngami naw ei awk ci gui.

ATÜNNAK 18:8 Referans Kwoze

ATÜNNAK 19:3

Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

LAMKTU 10:41

Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci.

JOHAN 12:2

Bawipa Jesuh-am mü-ei m’bei vai ah Mahta naw ei loi ne chang ci. Bawipa Jesuh awn a täng ah vun ne, Lasaruh phi ei vai tuk ci.

LUKA 24:43

Bawipa naw cun cu la netah ami ma ah ei tuk ci.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

LUKA 17:8

“Kei ah hmawk ah ei lo chang ne, ka ei awk yah ng’bi ng’lawh ne, na khap pyang netah, ka ei yawp khawn ah na ei tu vai, cik khai ah kä kya ne ang?

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

NEHEMIAH 12:44

Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

SUKI GUI 13:15

Monoah naw ani cu Bawipa ah Khanchang ah kä hmat ci, cun ah kyasei ani naw, “Na bä ni, kä hteit ba cang ä, Nang ah phäh ah Mehta mi shong cang khai nei” cik ci. Cun ung phi khanchang naw, “Kei ka om can gung phi, nang ah ei cu kä ka ei khai nei. Nang naw n apyan hlü ah a kyak ung Bawipa am douthak ah na m’khih vai nei” cik ci.

SUKI GUI 5:25

Sisera naw tui ng’zawi sei, ani naw seisuuk tu ci; Ani naw khawk akiom ung seisuk cu law püi ne pek ci,

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

ATÜNNAK 18:7

amät cu sei chum nak ah dawng ne, akyom pi, akplan pi sei pat hta cu la ne, akyaang ah a pyan vai ah changshäm tumat am ap ci.

ATÜNNAK 18:9

Cun kawn ah ngami naw, Na chu Sarah cu a hawi ang?” cine ng’shik ci gui. Abraham naw, “K’pyu kyong ah om ci nei” cik ci.

ISAIAH 7:15

Amät naw a i phi m’hnüt bäi hning khai ah ang vai law sangung, chang gui naw sei suuk aw ne, khuitui ei khai gui.

ISAIAH 7:22

a cun gui naw ani ung hlü ciah suuktui phung avan pek khai gui nei. Ä, khaw ung api pawih ba ci gui naw ami ei vai ah suuktui la khoitui om khai nei.