ATÜNNAK 18:6 - Cho Bible Common Language 2016

⁶ Abraham cu ang ghit ah kyong ah va lut ba neta Sarah am, “M’htut den cu akyang ah la ne, m’htut cu pyang ä” ci na neta,

ATÜNNAK 18:6 Referans Kwoze

MATTHE 13:33

Bawipa Jesuh naw a hei awn m’tumtäng ne am thein ba mä gui cu, “Khanpughi ah uknak kho cu shin ah mäih ah kyak ci. Hnumi tumat naw k’co cu la netah, m’htut den pyii taang ät ung k’caw sei, m’htut den avan cu tho ne pai ci,” ciah kyak ci.

1 PETER 4:9

Kä puhceh en ne, tumat la tumat nami choh nami ng’hmawn tu vai.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

ISAIAH 32:8

Cun ung phi m’tamkhah vai ah chang cu bä ciah hnüntho ne, hman ciah phäh ah khäng sei ng’düi ci.

ATÜNNAK 18:5

M’htut ka law püi khai, cun ei neta nami hteh ung nami thagui om khai nei. Ka im ah nami law cu nami na chang m’sui ah kyak ci, cun ah kyasei ka ning khin ah gui cang khai nei” ci sei, ngami naw, “Na bä ni, kami om khai nei” cik ci gui.

ATÜNNAK 18:7

amät cu sei chum nak ah dawng ne, akyom pi, akplan pi sei pat hta cu la ne, akyaang ah a pyan vai ah changshäm tumat am ap ci.

ATÜNNAK 19:3

Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

SUKI GUI 6:19

Cun ah kyasei Kideon cu a im ah hteit ba ne, Mehta tumat cu shong ci, htangphyawi gha awn k’caw kä shum ah m’htut cu pyang ci. Ani naw meh cu dawn ung tha ne, meh tui cu khawk ung lou neta m’dung ghing ka, Bawipa ah khanchang ah om nak law püi ne, ani am pek ci.

1 SAMUEL 28:24

Hnumi naw plan khai ah a vuh ah sei hta cu ang ghit ah ngawn ci. Ani naw m’htut vai den cu la ne, pyang ne, k’caw kä shum ah m’htut cu ng’shai ci.

2 SAMUEL 13:6

Cun ah kyasei Ammon cu gaw ciah ng’hlawk ne ih phak ung ng’yän ci. Ghangpughang David naw law ne teng law khäta, Ammon naw ani am, “Na bä ni, Tamar naw law ne m’htut na pyan law pe sä, shin ung ka hmuh nak vai ung, amät ah ngaih na m’htei law sä” cik ci.

SAM 119:60

Kä sho shü ne ang ghit ah na thumkhän läk vai ah ka bik ci nei.