ATÜNNAK 18:5 - Cho Bible Common Language 2016

⁵ M’htut ka law püi khai, cun ei neta nami hteh ung nami thagui om khai nei. Ka im ah nami law cu nami na chang m’sui ah kyak ci, cun ah kyasei ka ning khin ah gui cang khai nei” ci sei, ngami naw, “Na bä ni, kami om khai nei” cik ci gui.

ATÜNNAK 18:5 Referans Kwoze

SUKI GUI 13:15

Monoah naw ani cu Bawipa ah Khanchang ah kä hmat ci, cun ah kyasei ani naw, “Na bä ni, kä hteit ba cang ä, Nang ah phäh ah Mehta mi shong cang khai nei” cik ci. Cun ung phi khanchang naw, “Kei ka om can gung phi, nang ah ei cu kä ka ei khai nei. Nang naw n apyan hlü ah a kyak ung Bawipa am douthak ah na m’khih vai nei” cik ci.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

SUKI GUI 19:5

A phli hnüüp khaw ngawi hta ah thou law u neta, ani cu hteit ba khai ah pawng ci. Cun ung phi hnumi hta ah pa naw Levit am “ei ei ma cang ä, cun ung va gai ne na hteit khai” cik ci.

SUKI GUI 6:18

Na bä ni, kei naw douthak ei kä ka law püi pha ah chuih kä na hteh en ta ä” cik ci. Ani naw, “Nang na law ba güt kei ka om khai nei” cik ci.

ATÜNNAK 33:10

Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

ATÜNNAK 19:8

Teng vä, kei ung ka hta hnumi hta hnih om ci, cun goi cu ka ning ap gui khai, ngani awn nami m’hni ah ng’yawpawm vä. Cun ung phi shin ah chang goi läi a i ah kä ci en goi vä, ngani cu ka im khin ah kyak ci goi, kei naw ka shungvong goi khai” cik ci.

ISAIAH 3:1

Tuhbäi ung Bawipa, M’gäi ciah Bawipa naw, Jerusalem la Judah ungka naw ak thuuk ah chang päng la avan päng, acun ah ng’lei khan ah om ci phung hteh püi gui khai. Ami tui la ami ei phi lak pe gui khai.

MATTHE 6:11

Ak hnüüp tä ng’büh nak vai ei na pe gui ä.

ATÜNNAK 18:6

Abraham cu ang ghit ah kyong ah va lut ba neta Sarah am, “M’htut den cu akyang ah la ne, m’htut cu pyang ä” ci na neta,

SUKI GUI 6:19

Cun ah kyasei Kideon cu a im ah hteit ba ne, Mehta tumat cu shong ci, htangphyawi gha awn k’caw kä shum ah m’htut cu pyang ci. Ani naw meh cu dawn ung tha ne, meh tui cu khawk ung lou neta m’dung ghing ka, Bawipa ah khanchang ah om nak law püi ne, ani am pek ci.

1 GHANGPUGHANG GUI 17:11

a va vü yah ung khü ba ne, “M’htut phi na thak law ä,” cik ci.