ATÜNNAK 18:25 - Cho Bible Common Language 2016

²⁵ Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

ATÜNNAK 18:25 Referans Kwoze

JOB 8:3

Khanpughi naw taga nak cu kä ng’phyui ten sak ci; Ani cu hman ci bi nak ung kä shum man ci.

JOB 8:20

Cun ung phi Khanpughi naw bekhüt ci gui cu a i yah ung phi kä nawng gui khai, chang shekha gui cu a i yah ung phi kä m’htei gui khai.

SAM 58:11

Chang gui naw, “Düng ci gui naw m’cümhnah akcang gah ci gui; m’dek khan m’khoi m’chak ciah Khanpughi cu akcang ah om ci nei” cik khai gui.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

SAM 94:2

Nang cu chang van ah suki ah na kyak ci; tho law ne, chang ah ng’shei ci gui ah om ih cu m’cha pe gui ä!

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

THUSHÄUTU 7:15

Kei ah ka ghin nak cu akholä ah kyak ci, cun ung phi a cun ah kyong ah kei naw a päng ka hmuk ci. Changni gui cu sik khai gui amshah gui cu ghing khai gui. Akshe ami kyak tupang ung phi.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

ATÜNNAK 18:24

Cun ah gawnu ung chang ni hmakip a om ah a kyak ung phi gawnu avan na m’di khai ma? Chang ni hmakip ah hmawk ah kä na k’phyawn khai ma?

THULÄÄN NAK 1:16

“Acun yah ung kei naw kam shümthein gui ci. Nami chang gui ah anglung ung gawk lawk ciah cuhcan nak gui cu ngai kheng vä. Cuhcan päng cu hüiyang khai ah nami pyi phleh vai. Cun cu nami mät ah chang ah mawng ah a kyak ung phi, nami lung ah om tuk ciah khaw hei chang ah mawng ah a kyak ung phi.

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

SUKI GUI 11:27

Kei naw nang an khan ah katnak kä ka bik ci. Nang naw na ng’tuk püi ne katnak na bik ci nei. Bawipa cu suki ah kyak ci. Tuhngawi ani naw Israel gui la Ammonit gui ang ng’lak ung m’khoicha bik khai nei,” cik ci.

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

NEHEMIAH 9:33

Keimi na na m’kyuk gui cu na ng’düng ci nei; Keimi katnak bi pang u ngä sei phi, nang cu na bekhüt ci nei.

JOB 34:10

Nang ngai vä, hmuhmat ciah chang gui, M’gäi ciah Khanpughi naw cheishoh nak bik khai ma?

THUSHÄUTU 3:17

Ka mät naw kamät ka pyen nak ci, “Khanpughi naw düng ci la shekhat cicu atäng ah m’khoichak khai, a i ah kyasei ci ung apäng nü, bilawh nü cu, amät am hnüt nak pek ah khin ung kya lawk khai nei.”

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

EZEKIEL 18:25

“Cun ung phi nangmi naw, Bawipa naw abi cu kä hman ci, name cik ci. Israel Chang gui na ngai vä. Kei naw ka bi lawh nak gui ah lam cu kä hman ciah name ngai ne ma? Kä hman cicu nangmi ah bi nak ah lam ah kyak ci.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

1 SHONTÄP NAK 16:33

Bawipa naw khomdek uk khai ah a law ung bung ah om ciah sing ghing gui cu yei ne m’lau khai gui nei.

JOB 34:12

M’gäi ciah Khanpughi naw akshe kä bik ci. A u ah khan ah phi kä taga khai ah kä om ci.

SAM 7:12

Ngami cu kä ami ng’yu ba ah a kyak ung, Khanpughi naw ak khim k’tah ne, ali m’cung ne koi ge ci;

SAM 50:6

Khan kho naw ng’shäu ne, Khanpughi cu düng ci, ani cu suki ah kyak ci, cik ci.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.