ATÜNNAK 18:23 - Cho Bible Common Language 2016

²³ Abraham naw Bawipa cu k’et neta ang shi cu, “Chang ni gui cu changshe gui awn a täng ah akcang ah na m’di gui khai ma?

ATÜNNAK 18:23 Referans Kwoze

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

ATÜNNAK 20:4

Abimelek cu cun ah hnumi awn kä ip phak ci goi kyasei, “Bawipa, kei cu ka ng’düng ci nei, kei la ka chang gui cu na na m’di gui khai ma, cine pyen ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

JOB 34:17

Nang naw ng’düng ciah Khanpughi cu na m’kyuk khai ma? Ani naw taga nak thüi nak ciah na ngai ne ma?

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

JEREMIAH 30:21

Ami uktu cu ami mät ah pakhui ungka lawk khai, Ami manghta cu ami mät ah Chang ungka lawk khai. Kei naw ani ka khü ung ani naw kei nak et lawk khai, Kei naw kä ka khü ung a u cu ng’et lawk khai ang? Ngami cu kei ah Chang ah kyak khai gui, kei cu ngami ah khanpughi ah ka kyak khai. Kei, Bawipa naw ka pyen nei.”

SAM 73:28

Cun ung phi kei ah hmawk läi ah, Khanpughi awn ng’et ne, uk ciah Bawipa shungvong nak hmu ne, ani ah bi phung ng’shäu cu cäcat vai ah kyak ci nei!

JOB 8:3

Khanpughi naw taga nak cu kä ng’phyui ten sak ci; Ani cu hman ci bi nak ung kä shum man ci.

JAMES 5:17

Elijah cu mikmi ah mäih ah chang ah hta ah kyak ci. Ani naw kho kä ah aa vai ah ak küikyang ah taigü khätah, khomdek khan ung kho kum thum la avang ung kho kä aa ci.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

ATÜNNAK 18:24

Cun ah gawnu ung chang ni hmakip a om ah a kyak ung phi gawnu avan na m’di khai ma? Chang ni hmakip ah hmawk ah kä na k’phyawn khai ma?

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.