ATÜNNAK 18:22 - Cho Bible Common Language 2016

²² Hnih goi cu Sodom gawnu lam ah hteit ci goi, Bawipa cu Abraham awn k’pawih shüt ci goi.

ATÜNNAK 18:22 Referans Kwoze

ATÜNNAK 19:1

Cun ah mühun ung khankho chang hnih cu Sodam gawnu ah gawk lawk ci goi. Lot cu gawnu m’kawt ung ngaw ne, ngami cu hmu goi netah, ng’düi law ne ana do goi ci. Ani cu ani ma ah kawp netah,

LAMKTU 7:55

Cun ung phi Stephen cu Mumcha Theing awn be neh khankho cu han dan netah, Khanpughi ah bä khäk nak lah Khanpughi ah k’pat lam ung ng’düi ciah Bawipa Jesuh cu hmuk ci.

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

1 TIMOTHI 2:1

Cun ah kyasei ah htük bäih ah chang gui ah hmawk ah Khanpughi huipaa nak, taigü nak, yoih thäh nak, la m’hlüngtai nak gui cu nami bi vai ah ka ning m’cäi gui ci.

JEREMIAH 18:20

Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

ATÜNNAK 18:16

Cun ah chang gui cu hteit ba u ne, Sodom mang gaw ah dang nak ung gawk ci gui, Abraham naw tha tuba gui ci.

ATÜNNAK 18:17

Bawipa amät naw, “Kei naw ka bi law vai cu, Abraham am ka m’yih ung kä bä khai,

ATÜNNAK 19:27

A ngawi ung khawngawi hta Abraham cu Bawipa ah ma ah ang düih nak man te ung ng’düi law ba ci.