ATÜNNAK 18:15 - Cho Bible Common Language 2016

¹⁵ Sarah cu kyi law neta kä ka gaih ci nei cine ng’ciing ci. Ani naw, “Akcang ah na gaih ci nei” cine pyen nak ci.

ATÜNNAK 18:15 Referans Kwoze

1 JOHAN 1:8

Kei ung shetkat nak kä om ci mi ciah kyak ung, mi mät naw mi mät mi m’hleei ciah kyak ci, mikmi ung düng nak la cang nak cu kä om ci.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

EPHESIAN 4:23

Nami m’lung la nami ngaih avan cu ak thai ah nami ng’pian sak vainei.

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

JOHAN 18:17

M’kawt ngäng ciah hnumi hta naw, “Nang phi ani ah ng’düihpüi ah kä kya ne ang?” cine ng’shi khätah, Peter naw, “Ka, kei ah kä kyak ci nei” cik ci.

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

MAKUH 2:8

Bawipa Jesuh naw cun ami ngaih-tüh cu hmat netah, “Nangmi a i ah kyasei, cän ah nami ngaih-tüh ang?

NG'THU K'THUUK~ 12:19

Hleeihlak cicu a ghin nak tawi ci, ng’düng ciah ghin nak cu khong län ung om ci.

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

ATÜNNAK 12:13

Cun ah kyasei nang cu ka ning be ah na pyen vai. Cun ung nang ah hmai teng ne kei cu na k’phyawn ne, na m’hteihtang khai gui” cine pyen ci.

ATÜNNAK 4:9

Bawipa naw Kain am, “Na nau Abel a hawi ang?” cine ng’shik ci. Kain naw, “Kä ka hmat ci nei, kei naw ka nau cu ka ngäng ciah kyasei ang?” cik ci.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

ATÜNNAK 18:16

Cun ah chang gui cu hteit ba u ne, Sodom mang gaw ah dang nak ung gawk ci gui, Abraham naw tha tuba gui ci.

SAM 44:22

Cun ung phi nang ah m’hnüt nak ung, keimi cu akphlüt ah na ngawn gui ci gui, aat ne kyih vai ah htome ah mäih ah na bi gui ci gui.