ATÜNNAK 18:10 - Cho Bible Common Language 2016

¹⁰ Ngami ungka tumat naw, “A cha kaw nak ung, ka law ba khai, cun yah ung na chu Sarah cu pami hta ah hta lawk khai” cik ci. Cun a cicu m’kawt ah akpung lam ah om ciah Sarah naw ng’yak ci.

ATÜNNAK 18:10 Referans Kwoze

ATÜNNAK 21:2

ani cu kä mah ne, ghi law pyi ciah Abraham ah htapami ah hta lawk ci. A hmaw cu Khanpughi naw akbäi nak khin ung ng’tüi lawk ciah kyak ci.

ATÜNNAK 17:21

Cun ung phi tuhbäi chü, Sarah naw a hta law nak vai ah na htapa Isaak am kei naw thukhän ka pek khai” cik ci.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

ATÜNNAK 17:16

Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

KALATIAN 4:28

Phäi nau gui aw, nangmi cu Isaak ah mäih ah Khanpughi ah shaitaak awn nami ng’tüi ciah hta gui nami kyak ci.

KALATIAN 4:23

Khlei htein hnumi ah hta cu, hta man düt ah a hta nak ah kyak ci; ng’päi om hnumi ah a hta läi cu Khanpughi ah shaitaak awn ng’tüi lawk ciah kyak ci.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

ATÜNNAK 16:10

Khankho chang naw pyen bamä ne, “Chang naw kä a khei tai vai ah da khai ah ka ning shon sak khai.

ATÜNNAK 18:9

Cun kawn ah ngami naw, Na chu Sarah cu a hawi ang?” cine ng’shik ci gui. Abraham naw, “K’pyu kyong ah om ci nei” cik ci.

ATÜNNAK 21:1

Bawipa naw a shaitak ah mäih ah Sarah cu hriham pe sei,