ATÜNNAK 18:1 - Cho Bible Common Language 2016

¹ Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ATÜNNAK 18:1 Referans Kwoze

ATÜNNAK 14:13

Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

ATÜNNAK 48:3

Jakob naw Joseph am, “A hlüngtai säih Khanpughi naw Kanaan khaw Luza hmun ung dang neta hrilham ana pek cu,

ATÜNNAK 26:2

Bawipa cu Isaak ah ma ah dang law neta, “Egypt khaw ah kä na hteh vai, kei naw na om nak vai ka pyen ah a shin ah khaw ung na om vai.

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

2 SHONTÄP NAK 1:7

A cu mü ung Khanpughi naw Solomon ah dang law neta ang shi cu, “Kei naw nang am a i ka ning pek vai ang na ng’yak hlü?”

ATÜNNAK 17:22

Cun kawn ah Abraham cu ng’thu püi yawp neta Khanpughi cu kai ba ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

PHYAWN NAK 4:1

Cun kawn ah Moses naw Bawipa am shan ba cu, “Israel chang gui naw kä ami na yum ah a kyak ung, ka ng’thu kä ami ngaih ah a kyak ung, ngami naw nang a i ah kä na dang khai ah ami pyen ah a kyak ung, a i ah ka kyak khai ang?

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

ATÜNNAK 18:22

Hnih goi cu Sodom gawnu lam ah hteit ci goi, Bawipa cu Abraham awn k’pawih shüt ci goi.

ATÜNNAK 20:1

Abraham cu Mamre ungka naw Kanaan khaw a htumtäng Kadesh la Shurah ah ng’lak ung hteit ne om ci. Ani cu Kera gawnu ah a om tu yah ung,

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”