ATÜNNAK 17:8 - Cho Bible Common Language 2016

⁸ Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

ATÜNNAK 17:8 Referans Kwoze

TAIGÜTHUM 26:12

Kei cu nangmi awn a täng ah ka om khai; kei cu nami Khanpughi ah ka kyak khai, nangmi cu kei ah chang ah nami kyak khai.

SAM 105:11

Ani naw, “Kei naw Kanaan kho cu ka ning pek khai, cun cu na kho ah kyak khai” cik ci.

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

THULÄÄN NAK 29:13

Cun ah kyasei Bawipa naw tuhbäi amät ah chang ah nik bäi gui khai, ani cu nami Khanpughi ah kyak khai. Cun cu ani naw nangmi la nami pupa gui Abraham, Issak la Jakob ung a shaitak ah kyak ci.

THULÄÄN NAK 26:18

Tuhngawi Bawipa naw a shaitak ah mäih ah amät ah chang ah ning dou gui pyi ci. A thukhän avan nami läk vai ah ning thumkhän gui ci.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

SAM 105:9

Abraham aw yum nak ani bi la Issak am shai a taak cu k’pang khek khai.

THULÄÄN NAK 4:37

Ani naw nami pupa gui m’hni gui ci, Ning ghü gui ci, dämduh ciah a huham awn amät naw Egypt khaw ungka ning law püi ba gui ci.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

ATÜNNAK 13:17

Tuhbäi hteit ne khaw hmun avan na teng vai. Shin ah khaw avan cu tuhbäi ka ning pe lawk khai nei” cine pyen ci.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

KHEI NAK 25:13

Ani la ani ah htangshon gui cu, angtäi sei taigü ah m’düih gui nei. Ani cu kei na küknet püi ciah khanpughi ah khan ah am lung kä sau ci. Cun ung phi chang gui ah katnak ah hmawk ah geinsei nak law püi ci” cik ci.

PHYAWN NAK 40:15

Cun kawn ah ami pa phyuhtheh ah mäih ah phyutheh gui vai, cun ung ngami cu taigü ah kya ne ka khut bik khai gui. Shin ah phyutheh nak naw ngami cu ngawiyä taigü ah kyak sak gui khai” cik ci.

ATÜNNAK 48:4

Ani naw kei am, “Kei naw nang am hta akda ka ning pek khai, cun ah kyasei na ng’shon cu pakhui akda ah kya lawk khai. Shin ah khaw cu na hta ng’shon am ka pek khai. Ngami naw ngawi yä ami khaw nak vai nei” cik ci.

ATÜNNAK 23:4

“Kei cu khin ah kya ne nami ng’lung ah ka om tuk ci; ka chu ka k’phuh nak vai khaw hmun na pe tu vä” cine pyen ci.

HEBRU 9:15

Cun ah kyasei Khanpughi naw a khü ah chang gui naw, Khanpughi ah a shaitaak ah angtäi m’shumphyuk nak ami gah vai ah, Bawi Khrit naw thukhän thai cu pyang ci. Cun ah abi cu, ak htük ah thukhän ah kaa ah ami om sang ung chang gui ah ami cheishoh nak gui cu, phiawn khai ah, sih nak tumat a om ah hmawk ah kyak ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

TAIGÜTHUM 16:34

Shin ah thungyo gui cu lawk ciah a khin avan ung ngaih nak vai ah kyak ci. Shin ah bilawh thung cu Israel chang gui ah katnak avan ng’gängsei nak ah kum ät ung hnü ät ciah bi vai. Cun ah kyasei Moses naw Bawipa ah thumkhän ah mäih ah bik ci.

PHYAWN NAK 21:6

ani cu a bawi naw khawihnah hmun ah hteh püi ne, acu ah m’kawt, kä cung m’kawt law hnu na ne ng’düih sak neta, ak hnga a vüh pek vai, ani cu a ghin ah chuih changshäm ah kyak khai.

LAMKTU 7:5

Cun yah ung Khanpughi naw cun ah khaw ung Abraham am khawh a i phi kä pek ci, khomdek dawng veing hta phi kä pek ci. Cun ung phi cun ah khaw cu, amät am phi bäi, a hta nau gui am phi bäi avan ka ning ap khai ciah shai tak ci. Cun yah ung Abraham ung a hta kä om phak ci.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 36:7

Cun ah a khaw hei ah a hteh a mawng cu amät la Jakob ah om nak vai ah ami khaw ang ceet law ah hmawk ah kyak ci. Ngani cu ami seime da law aih sei a täng ah kä om ba hlawt khai goi ah kyak ci.

ATÜNNAK 37:1

Jakob cu apa ah om nak Kanaan khaw ah om tu lä ci.

PHYAWN NAK 13:11

Bawipa naw Kanaanit gui ah khaw ah ning hteh püi gui khai. Cun cu ani naw nang la na pupa gui ung aktung ah a shai tak ah kyak ci. Cun cu a ning pek law gui ung,

PHYAWN NAK 29:45

Kei cu Israel chang gui ah ng’lung ah ka om khai. Kei cu ami na Khanpughi ah ka kyak khai.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

JEREMIAH 25:5

Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

JEREMIAH 31:1

Bawipa naw pyen ci, “Kei cu Israel Pakhui avan ah Khanpughi ah ka kyak nak la ngami cu kei ah Chang ah ami kyak nak vai ah akhin cu gawk lawk ci nei.

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

TAIGÜTHUM 14:34

kheilei ah ng’pe nak ah im gui ah a mawng cu shicha ah thungyo cu pe goi ci. (Shin gui cu Bawipa naw ami khäm vai ah a pek law gui vai ah Kanaan khaw ah ami luh kawn ah, Israel chang gui naw ami bi vai ah kyak ci.) Bawipa naw khei nak cu a im ung yuk chah sei chang tumat naw a hmuh ah a kyak ung, ani naw taigü am hteit ne am thein vai.

KHEI NAK 10:29

Moses naw ak kawi Midian chang, Jethro ah hta Hobab am, “Bawipa naw na pe gui khai ah a pyen nak ah hmun ung tün ne mi gawk lawk ci. Ani naw Israel gui cu büh mang sak gui khai ah shaitak ci. Cun ah kyasei keimi awn a täng ah law tu vä. Keimi naw büh mang nak cu ka mi ning pai tu gui khai nei” cik ci.

KHEI NAK 27:12

Bawipa naw Moses pyen nak ci, Abarim M’htung gui ah hang kai neta, kei naw Israel gui am ka pek ah khaw cu dan ä.

THULÄÄN NAK 32:49

“Moab khaw, Abarim htung ah hteit ä, Cun cu Jerikho mang gaw awn ng’ga dang ci. Nebo M’htung ah hang kai neta, Kei naw Israel chang gui am ka pek law gui vai ah Kanaan khaw cu na dan vai.

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

JOSHUA 1:2

Ani naw, “Ka changshäm Moses cu si pyi ci. Tuhbäi pawng ge ä, nang la Israel chang avan naw Jordan tuinu hei kat ne, ka ning pek gui ah khaw ung lut vä.

1 SHONTÄP NAK 16:18

Kei naw Kaanan khaw cu ka ning pe gui khai, cun cu nami mät ah kaa ah kyak khai” cine pyen ci.

EZEKIEL 11:20

Cun ung ngami naw kei ah thukhän gui cu k’paang u ne, kei ah thumkhän gui avan cu bekhüt ne läk khai gui. Ngami cu kei ah Chang ah kyak khai gui, kei cu ngami ah khanpughi ah ka kyak khai.

EZEKIEL 33:24

Ani naw, “Hnicim chang, Israel khaw, ng’phyek ciah mang gaw ung om ciah chang gui naw pyen ci gui: Abraham cu chang tumat ah a kyak yah ung khaw a van ami pek ah kyak ci. Tuhbäi mikmi mi da ci, cun ah kyasei khaw cu mi khaw ah kyak ci.

ZEKHARIAH 8:8

Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.